Грамадства

Шуневіч: Трэба выключыць з Чырвонай кнігі зуброў, мядзведзяў і рысяў, а на буслоў пачаць паляваць

Былы міністр унутраных спраў, а цяпер старшыня «Беларускага таварыства паляўнічых і рыбаловаў» Ігар Шуневіч назваў Чырвоную кнігу «рудыментам» і прапанаваў выключыць з яе зубра, мядзведзя і рысь, а таксама адкрыць паляванне на буслоў. Такое меркаванне ён выказаў у «Калонцы старшыні» ў газеце «Паляўнічы і рыбалоў», піша zerkalo.io.

З пункту гледжання Шуневіча, Чырвоная кніга на сённяшні дзень — гэта «рудымент» і «не больш чым інструмент, які рэгулюе праваадносіны чалавека з аб'ектамі дзікай прыроды, які дазваляе дзяржаве рацыянальна выкарыстоўваць свае прыродныя рэсурсы».

Зрэшты, ён прызнаў, што «гэтае меркаванне ў сучасным «экалагічна прасунутым» свеце можа быць непапулярным».

«Гэта ўсяго толькі пытанне рэгулявання колькасці жывёл. Калі мы кажам, што ёсць віды, папуляцыя якіх знаходзіцца ў прыгнечаным і пагрозлівым стане, то мы закрываем паляванне на іх. Прычым паляўнічыя тут не павінны выступаць «крайнімі» — мы закрываем любую дзейнасць, якая пагражае існаванню гэтых відаў», — патлумачыў ён.

У якасці прыкладу Шуневіч прывёў зубра:

«Папуляцыя зубра ў нашай краіне не знаходзіцца ў прыгнечаным стане, больш за тое, многія мікрапапуляцыі гэтай жывёлы знаходзяцца ў тым стане, калі яны ўжо наносяць шкоду сельскай і лясной гаспадарцы, а часам і прадстаўляюць пагрозу для чалавека. Паляваць на яго пры пэўных умовах можна, і тым не менш ён знаходзіцца ў спісах Чырвонай кнігі».

Тое ж самае тычыцца папуляцый рысі і мядзведзя, якія, паводле слоў Шуневіча, «дзе-нідзе ўжо даволі праблематычныя»:

«Безумоўна, драпежнік ў прыродзе павінен быць. Але калі яго шмат, калі ён пачынае рабіцца нахабным з-за адсутнасці паляўнічага прэсу і губляць любы страх перад чалавекам… то такая сітуацыя далёкая ад нармальнай».

Таксама кіраўнік БТПР задаўся пытаннем, чаму шэрыя журавы, лебедзі-шыпуны і белыя буслы не ўключаныя ў спіс паляўнічых відаў:

«Хоць калі б папуляцыю лебедзяў і буслоў хоць трохі прарэдзілі, то гэта б пайшло толькі на карысць усім астатнім водна-балотным і лугавым відам жывёл».

У гэтым выпадку, лічыць экс-міністр з пазіцыі не «вучонага, а паляўнічага-практыка», пералічаныя віды звяроў і птушак павінны быць прылічаныя да паляўнічых відаў, а Чырвоная кніга выступае ў якасці «свайго роду «абцяжарвання» дзяржаўных прыродаахоўных інструментаў» і «перашкаджае хуткаму прыняццю рашэнняў у дачыненні да тых ці іншых відаў жывёл».

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць