Адміністрацыя Пуціна даручыла віцэ-губернатарам рыхтавацца да заканчэння вайны і фармаваць «вобраз перамогі»
На нарадзе намеснікаў кіраўнікоў расійскіх рэгіёнаў з кіраўніцтвам Адміністрацыі прэзідэнта абмяркоўвалася ў тым ліку вайна ва Украіне.
Сустрэча з віцэ-губернатарамі расійскіх рэгіёнаў была арганізавана ўплывовым намеснікам кіраўніка Адміністрацыі Пуціна Сяргеем Кірыенкам. Такія семінары праводзяцца рэгулярна, і на гэты раз адна з тэм — магчымы канец вайны ва Украіне.
У адміністрацыі Пуціна зыходзяць з таго, што вайна скончыцца, і трэба быць да гэтага гатовымі, паведаміла крыніца «Коммерсанта».
Адміністрацыя лічыць, што вынікі вайны павінны ўспрымацца ў грамадстве як перамога, хаця прызнаюць, што розныя сацыяльныя групы ўжо ўспрымаюць гэтую «перамогу» па-рознаму. Для «раззлаваных патрыётаў» гэта азначае адно, для «лібералаў» — зусім іншае.
Таму з гледзішча адміністрацыі ўлады на месцах павінны арыентавацца на «спакойную большасць», якая будзе задаволена дасягнутымі Пуціным мэтамі.
Па ўсім відаць, адміністрацыя мае намер «прадаваць» насельніцтву вырашэнне задач па «дэнацыфікацыі і дэмілітарызацыі Украіны», а таксама захаванні за Расіяй акупаваных тэрыторый. Адміністрацыя паставіла перад віцэ-губернатарамі задачу «захаваць і пашырыць гэтую большасць».
Калі гаворка ідзе пра ўдзельнікаў вайны, якія вярнуцца дамоў, адміністрацыю таксама турбуе іх лёсы. Там прызнаюць, што знайсці працу, якая будзе аплачвацца так жа добра, як вайна, ім будзе цяжка. Таму ад мясцовых улад патрабуюць кампенсаваць матэрыяльны складнік станоўчым стаўленнем да былых ваенных з боку грамадства.
Рашэнне праблемы сацыялізацыі былых удзельнікаў вайны ў Расіі нядаўна ўключылі ў спіс паказчыкаў, па якіх будуць ацэньваць працу губернатараў. Ад мясцовых улад патрабуюць не дапусціць, каб былыя ваенныя ішлі ў крымінал.
Таксама адміністрацыя Пуціна паведаміла віцэ-губернатарам мэтавыя паказчыкі для выбараў у Дзярждуму: «Адзіную Расію» павінна падтрымаць 55% выбарцаў пры яўцы ў 55%.
Былая дэпутатка Марыя Васілевіч сабралася замуж ФОТА12
Каментары