Адказваючы на пытанні пасля завяршэння саміту Вышэйшай Еўразійскай эканамічнай рады, прэзідэнт Расіі Уладзімір Пуцін заявіў, што ён не супраць таго, каб пляцоўкай для мірных перамоў паміж Расіяй і Украінай была Славакія.
22 снежня ў Маскву прылятаў і сустракаўся з Пуціным прэм'ер-міністр Славакіі Роберт Фіца, які разам з прэм'ерам Венгрыі Віктарам Орбанам лічыцца адным з найбольш прыязных адносна Расіі кіраўнікоў дзяржаў Еўрасаюза. Трэба думаць, акурат гэтае пытанне абмяркоўвалася падчас той сустрэчы.
Фіца стаў толькі трэцім лідарам адной з краін ЕС, які сустракаўся з Пуціным пасля пачатку маштабнага ўварвання ва Украіну ў 2022 годзе. Ягоная паездка была рэзка раскрытыкаваная прэзідэнтам Украіны Уладзімірам Зяленскім:
«Чаму гэты лідар настолькі залежны ад Масквы? Чым яму плацяць і чым ён расплачваецца?» — задаў рытарычнае пытанне Зяленскі, адзначыўшы, што дзеянні Фіцы могуць паставіць пад пагрозу бяспеку не толькі Славакіі, але і ўсёй Еўропы.
Зяленскі рэзка раскрытыкаваў паездку прэм’ера Славакіі да Пуціна
Пуцін сустрэўся з прэм'ерам Славакіі Робертам Фіца
Прэзідэнт Сербіі анансаваў паездку да Пуціна прэм'ера Славакіі
Славацкі прэм'ер заявіў, што Зяленскі прапанаваў яму 500 мільёнаў еўра за падтрымку членства Украіны ў НАТА
Прэзідэнт Славакіі Пелегрыні: Украіне прыйдзецца страціць некаторыя тэрыторыі дзеля міру
Каментары