Прэзідэнт Славакіі Пелегрыні: Украіне прыйдзецца страціць некаторыя тэрыторыі дзеля міру
Петэр Пелегрыні лічыць, што Маскве і Кіеву трэба сядаць за стол перамоваў, а Украіне трэба будзе пайсці на тэрытарыяльныя саступкі для дасягнення міру, піша «Еўрапейская праўда».
Пелегрыні ў праграме тэлеканала STVR заявіў, што Украіне і Расіі трэба «сядаць за стол перамоваў», а таксама, што на ўсё трэба глядзець «рэалістычна».
«Калі гаворка ідзе пра мір, я лічу, што трэба захоўваць рэалізм. Цяпер, верагодна, ніхто ў Еўропе сярод разважных людзей не верыць, што ўдасца дасягнуць міру без якіх-небудзь частковых тэрытарыяльных страт для Украіны», — выказаўся славацкі прэзідэнт.
Пелегрыні, паплечнік прэм'ера Роберта Фіца, быў прэм'ер-міністрам у 2018-2020 гадах, а ў 2023 годзе стварыў кааліцыю з папулісцкай еўраскептычнай партыяй Курс — сацыяльная дэмакратыя (Smer-SD) Фіца.
У красавіку 2024 года ён атрымаў перамогу на прэзідэнцкіх выбарах супраць праўкраінскага экс-кіраўніка МЗС Івана Карчока з 53,12% галасоў.
Нядаўна славацкі прэм'ер-міністар Робэрт Фіца заявіў, што лічыць сваім «асабістым абавязкам» неабходнасць паехаць у Маскву 9 траўня 2025 году.
Перад тым Фіца казаў, што хацеў бы аднавіць нармальныя стасункі з Расіяй пасля заканчэння развязанай ёю поўнамаштабнай вайны ва Украіне.
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА9
Каментары
Гэты Паганіні цудоўна сам разумее, што сёння спыніць супраціў расійскай агрэсіі хаця б на пару гадоў - гэта даць расіі магчымасць падрыхтаваць новыя людскія і тэхнічныя рэсурсы для новага, больш прадуманага і жорсткага наступу, не толькі на Украіну, але і на краіны ЕС, у тым ліку на Славаччыну. У Кіеўскай аперацыі ў сакавіку 2022 года, і пазней на Харкаўшчыне і Херсоншчыне прафесійная расійская армія была фактычна знішчаная. Рэшткі, якіх падцыравалі ў лякарнях Нароўлі, Мазыра, Каленкавічаў, Рэчыцы, перамалолі пазней у мясных штурмах пад Бахмутам ды іншымі райцэнтрамі Данецкай вобласці, якія яны "бралі" па восем месяцаў. Зараз расія ваюе выключна колькасцю кепска падрыхтаваных чмобікаў і кантрактнікаў, якія пайшлі на вайну зарабіць грошай і пажадана не на перадку. Цывілізаванаяму свету цяпер - самы час нанесці расіі разбуральную паразу, каб яна ўжо ніколі не мела нават думкі нападаць на суседнія краіны.
Расія ў тым імперскім выглядзе, які яна мае сёння, павінна быць ліквідаваная. Паняволеныя народы павінны скарыстацца правам нацыянальна-дзяржаўнага самавызначэння. У складзе расіі павіны застацца толькі этнічна расійскія землі ў складзе некалькіх абласцей вакол масквы.