Сям’я з Брэста паўтара года кідала ў слоік манеткі. Як думаеце, колькі атрымалася назапасіць?
За некалькі дзён да Новага года пара з Брэста вырашыла адкрыць слоік, куды паўтара года кідалі манеты ад 50 капеек да 2 рублёў. Падлічвалі багацце 20 хвілін.
Сваім грашовым эксперыментам падзялілася ў тыктоку блогерка Таццяна. Яна расказала, што з цікаўнасці ўзважыла сабраныя за 18 месяцаў манеткі — атрымалася, што без уліку слоіка металічныя грошы важаць каля пяці кілаграмаў.
Сума сабралася даволі прыстойная — 1413 рублёў, ці каля 410 даляраў. Ва ўсялякім выпадку, неблагая знаходка напярэдадні доўгіх святаў.
Нехта з каментатараў жартаваў: вось куды падзелася ўся дробязь, без якой касіры ў крамах не могуць даць рэшту. А нехта палічыў эксперымент бессэнсоўным і раіў мужу з жонкай у наступны раз збіраць грошы ў далярах.
Дарэчы, калі б такая сума ў рублях была ў сям’і ў ліпені 2023 года, калі, верагодна, эксперымент пачаўся, то ў далярах яны б атрымалі сапраўды больш — 463 (тады курс даляра ў Беларусі быў 3,05 рубля).
Аналагічны эксперымент ужо некалькі гадоў праводзіць вядомая ў інстаграме доктарка-блогерка. Кожны год яна з мужам пачынае з таго, што набывае скарбонку, а потым 365 дзён кідае туды манеты наміналам 1 і 2 рублі. Так, за 2023 год сям’я доктаркі сабрала 1033 рублі, за 2024-ты таксама атрымалася каля тысячы рублёў.
Цяпер чытаюць
Хто забараняе ў Беларусі кнігі — вось гэтыя 22 чалавекі30
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары