Жанчына прадала кватэру, а праз пяць гадоў атрымала вялізны рахунак за камунальныя з яе
Ранейшая жыхарка Гомельскай вобласці, якая цяпер жыве ў Мінску, трапіла ў незвычайную сітуацыю. Легальна прадаўшы кватэру ў Жыткавіцкім раёне і пераехаўшы ў сталіцу, праз пяць гадоў яна нечакана даведалася, што ўвесь гэты час на яе імя налічваюцца камунальныя паслугі за старое жыллё, і сума запазычанасці дасягнула 12 тысяч рублёў.
Як выявілася, новы гаспадар жылля неўзабаве памёр, так і не аформіўшы кватэру ва ўласнасць, а справа аб атрыманні спадчыны пасля ягонай смерці не заводзілася. Таму ўсе плацяжы і ішлі на імя старога ўладальніка.
У справе мусіла разбірацца пракуратура, куды па даверанасці звярнуўся сын жанчыны. І рашэнне было вынесена на яе карысць.
Улічваючы ўсе незвычайныя абставіны справы, пракурор Жыткавіцкага раёна звярнуўся ў суд з пазовам аб прызнанні рашэння аб спагнанні з жанчыны на карысць КУП «Жыткавіцкі Камунальнік» запазычанасці па аплаце за жыллёва-камунальныя паслугі такім, якое не падлягае выкананню.
Што да «нічыйнай» кватэры, то з-за адсутнасці ў чалавека спадкаемцаў яна, хутчэй за ўсё, у выніку адыдзе ў распараджэнне дзяржавы.
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г4
Каментары