Прэзідэнт Францыі Эмануэль Макрон правядзе ў Парыжы нефармальны саміт еўрапейскіх лідараў, каб абмеркаваць сітуацыю ва Украіне і бяспеку на кантынэнце. Пра гэта пішуць Reuters і Bloomberg.
Чацвёра еўрапейскіх дыпламатаў расказалі Reuters, што саміт, імаверна, адбудзецца 17 лютага.
Прадстаўнік адміністрацыі Макрона прызнаў, што працягваюцца дыскусіі адносна магчымай нефармальнай сустрэчы еўрапейскіх лідэраў, але не падаваў дэталяў.
Па словах людзей, азнаёмленых з планамі, на сустрэчу запрошаныя канцлер Германіі Олаф Шольц і прэм'ер-міністарка Італіі Джорджа Мелоні. Сярод запрошаных таксама лідары Польшчы, Вялікабрытаніі і Даніі, адзначылі суразмоўцы Bloomberg.
Міністр замежных спраў Польшчы Радаслаў Сікорскі пацвердзіў, што прэм'ер-міністр краіны Дональд Туск возьме ўдзел у сустрэчы, і заклікаў лідараў прадэманстраваць сілу і адзінства.
Паводле інфармацыі Bloomberg, еўрапейскія лідары спрабуюць пераканаць прэзідэнта ЗША Дональда Трампа не спяшацца з мірнымі перамовамі з Расіяй.
Між тым галоўная дыпламатка Еўрапейскага Саюза Кая Калас плануе асобна сабраць міністраў замежных спраў блока ў Мюнхене, каб падвесці вынікі падзей апошніх дзён, паведаміў яе прадстаўнік. Ён дадаў, што «мы знаходзімся ў вырашальным моманце для будучыні Украіны і Еўропы».
Раней на Мюнхенскай канферэнцыі па бяспецы спецпасланнік прэзідэнта ЗША па Украіне Кіт Келаг заявіў, што Еўропа не будзе ўдзельнічаць у перамовах па ўрэгуляванні расійска-ўкраінскай вайны. Аднак паабяцаў, што яе інтарэсы, маўляў, улічаць.
«Будзем адкрытыя: калі не Брусэль, то Масква». Зяленскі ў Мюнхене выступіў як ідэолаг моцнай аб'яднанай Еўропы
Спецпрадстаўнік Трампа Кіт Келаг не бачыць Еўропы за сталом мірных перамоў
Шольц раскрытыкаваў словы Вэнса аб еўрапейскай дэмакратыі
Што будзе з Беларуссю пасля размовы Трампа і Пуціна?
У Малдове дапусцілі, што Расія ў выніку перамоў па Украіне выведзе войскі з Прыднястроўя
Прэм’ер Украіны прапанаваў стварыць армію ЕС на базе украінскіх Узброеных сіл
Цяпер чытаюць
З псіхбальніцы збег былы начальнік Ганцавіцкай міліцыі13
Каментары