У Малдове дапусцілі, што Расія ў выніку перамоў па Украіне выведзе войскі з Прыднястроўя
Улады Малдовы спадзяюцца, што Расія можа вывесці сваіх вайскоўцаў з Прыднястроўя ў выніку перамоўнага працэсу ў дачыненні да Украіны. Пра гэта ў эфіры выдання Jurnal TV заявіў прэм'ер-міністр Малдовы Дорын Рэчан.
У кіраўніка малдаўскага ўрада пацікавіліся, што павінна адбыцца, каб Расія вывела свае войскі з Прыднястроўя.
«Цяпер ёсць міжнародны кантэкст, які можа прывесці да таго, што Расія можа вывесці свае войскі з левага берага Днястра ў рамках гэтага перамоўнага працэсу. Магчыма, не абавязкова ў мірным перамоўным працэсе, гэта цяжка ўявіць у бліжэйшы час, але ў перамоўным працэсе, які тычыцца Украіны і новай архітэктуры бяспекі ЕС», — адказаў Дорын Рэчан.
З ягоных слоў, Малдова будзе намагацца, каб пытанне вываду расійскіх вайскоўцаў «было на стале перамоў». І любыя перамовы аб міры або спыненні агню ва Украіне «тычацца новай архітэктуры бяспекі ў Еўропе».
Таксама ў Рэчана спыталі, ці не плануе Малдова выслаць расійскага пасла з-за таго, што расійскія дроны часта парушаюць паветраную прастору краіны.
«Сёння мы зрабілі вельмі важны крок [гаворка пра закрыццё Расійскага культурнага цэнтра ў Кішынёве], які, прызнаю, трэба было зрабіць раней. Мы працягнем рабіць неабходныя крокі для абароны інтарэсаў нашай краіны», — падкрэсліў малдаўскі прэм'ер-міністр.
Адносна закрытага Расійскага культурнага цэнтра ён выказаўся адкрыта:
«Гэта быў не культурны цэнтр, а цэнтр з агентамі ўплыву. А тым, хто скардзіцца, мы кажам, што Малдова не мае нічога супраць рускай культуры, рускай мовы. Расія павінна паважаць малдаван і не пасылаць сваіх агентаў уплыву, якія маскіруюцца пад дзеячаў культуры».
Кіраўніцтва Малдовы, у прыватнасці прэзідэнтка краіны Мая Санду, неаднаразова настойвала на неабходнасці вываду расійскіх вайскоўцаў з Прыднястроўя. Пры гэтым Кішынёў спрабуе дамагчыся гэтага дыпламатычным спосабам. У той жа час нядаўна яна папярэджвала, што Расія спрабуе выкарыстоўваць Прыднястроўе для дэстабілізацыі сітуацыі ўнутры Малдовы. Таму Масква хоча нават умацаваць сваю прысутнасць на левым беразе Днястра.
МЗС Малдовы выставіла ВІДЭА, як расійскага пасла выклікалі для тлумачэнняў
У Малдове закрыюць Расійскі культурны цэнтр
Малдова назвала чатыры ўмовы па газе для Прыднястроўя
Малдова пачала пастаўляць газ у непрызнанае Прыднястроўе
Малдова афіцыйна заявіла пра непрызнанне выбараў Лукашэнкі
Прыднястроўе дамовілася з Малдовай аб пастаўках газу без Расіі
Удава актывіста Максіма Чарняўскага расказала пра яго пакуты перад суіцыдам5
Каментары