Грамадства1212

У грамадскім транспарце Мінска загучала больш рускай мовы

Мінчане заўважылі, што на маршрутах грамадскага транспарту стала больш гучаць рускай мовы.

Выява: Фота: rtsiadziba / Х

У прыватнасці, аб’явы на рускай мове цяпер з’явіліся на маршрутах: №143 аўтобуса і №31 тралейбуса. Назіраннямі беларусы падзяліліся ў сацсетках, заўважыў Reform.news.

«Уважаемые пассажиры… На вашых маршрутах таксама загучала руская мова?» — занепакоіліся ўважлівыя мінчукі. 

«У 143 аўтобусе так, учора загучала. Крыху непрывычна, скажу я вам». 

«Тралейбус #31, сёння, па-руску». 

«Жах, цяпер увесь транспарт па-расейску будзе?» — засталіся неабыякавымі да моўнай «рэформы» ў транспарце людзі. 

На пэўных маршрутах па-руску гучыць толькі дадатковая інфармацыя, аб’явы прыпынкаў засталіся па-беларуску. 

На іншых — знаёмы ўсім зварот «Паважаныя пасажыры» ўжо загучаў на рускай мове. 

Беларускамоўныя паведамленні пакуль засталіся ў трамваях. 

На сайце «Мінсктранса» аб’яў пра моўныя новаўвядзенні няма. 

Нагадаем, што напрыканцы мінулага года вядомая прарасійская даносчыца Вольга Бондарава патрабавала ад дзяржаўнага прадпрыемства «Мінсктранс», каб прыпынкі ў грамадскім транспарце аб’яўлялі не толькі на беларускай, але і на рускай мовах. 

Тады праўладная блогерка атрымала адказ за подпісам кіраўніка арганізацыі, што аб’явы на дзвюх мовах немагчымыя. Транспарт на прыпынках стаіць не больш за хвіліну — умясціць у гэты адрэзак паведамленні на рускай і беларускай складана. Акрамя таго, «Мінсктранс» узгадаў і інфармацыю на рускай мове, якая гучыць на маршрутах. 

Сыходзячы з новых звестак, магчыма, «Мінсктранс» пайшоў-такі па ўступкі Бондаравай. 

Каментары12

  • Т
    19.02.2025
    Акупанты працягваюць сваю ганебную справу па вынішчэнню беларускай мовы ў Беларусі.
  • %
    19.02.2025
    Галоўнае пытаньне - МОВА. Увесь час супраць яе ідзе вайна. Мова гэта народ, нацыя і падмурак існаваньня. Няма мовы - няма нацыі. Проста такі да дзірак зашмальцаваная ісьціна. Але так і не зразумелая на Беларусі. Ніколі б тут не было гэтай сучкі Бондаравай каб нацыя жадала размаўляць на сваей мове, ніколі б не здолелі нешта там адмяніць і забараніць каб нацыя жыла на сваей мове. Але нацыя той мовы не жадае, для яе гэта музэйны экспанат.
  • Алек. Ру
    19.02.2025
    Уся дзяржава слухае й пагаджаецца з бздуровымі прапановамі перастарка- студэнткі белфака, якая супраць мовы змагаецца.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Затрымалі кіраўнікоў івэнт-кампаній. Адзін з іх дапамагаў ладзіць канцэрты ў падтрымку Лукашэнкі5

Затрымалі кіраўнікоў івэнт-кампаній. Адзін з іх дапамагаў ладзіць канцэрты ў падтрымку Лукашэнкі

Усе навіны →
Усе навіны

МУС Польшчы: Апастыль на дакументах для беларусаў не патрэбны ў любым выпадку. ЗАГСы ўсё няправільна зразумелі3

Адзін з самых уплывовых мастакоў свету Ай Вэйвэй наведаў Украіну і пабываў на фронце

У Іванаўскім раёне дзяўчынка выратавала малодшую сястру, але не змагла ўратаваць дарослага

Эканоміка Беларусі перастала расці. Тое самае ў Расіі і Латвіі. А вось Польшча і Літва растуць стабільненька13

«Дзе людзі?» Як улады пакінулі гамельчукоў без Цэнтральнага пляжа на цэлае лета2

Праз санкцыі расійскай дэлегацыі давялося на Алясцы аплачваць паліва для самалётаў гатоўкай. А гэта сотні тысяч даляраў2

Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»10

Ціханоўская павіншавала мужа з днём народзінаў і апублікавала фота ўсёй сям'і23

У Гродне восем чалавек судзяць за ўдзел у дваровых чатах6

больш чытаных навін
больш лайканых навін

Затрымалі кіраўнікоў івэнт-кампаній. Адзін з іх дапамагаў ладзіць канцэрты ў падтрымку Лукашэнкі5

Затрымалі кіраўнікоў івэнт-кампаній. Адзін з іх дапамагаў ладзіць канцэрты ў падтрымку Лукашэнкі

Галоўнае
Усе навіны →

Заўвага:

 

 

 

 

Закрыць Паведаміць