Сілавікі накрылі кол-цэнтр у Мінску, які разводзіў на грошы расейцаў
Махляры прадстаўляліся супрацоўнікамі вядомых трэйдынгавых кампаній.
ГУБАЗіК раскрыў сетку ашуканскіх колл-цэнтраў.
Махляры прадстаўляліся ахвярам супрацоўнікамі вядомых трэйдынгавых кампаній і прапаноўвалі «выгадна інвеставаць» у неіснуючыя бізнэс-праекты.
Затрымалі 37 фігурантаў. Сілавікі працягваюць шукаць махляроў і пацярпелых, паведамляе МУС.
У махляроў канфіскавалі 550 000 рублёў гатоўкай, 11 аўтамабіляў агульным коштам больш за 710 тысяч рублёў.
Накладзены арышт на 6 рахункаў, якія выкарыстоўваліся пры здзяйсненні злачынстваў.
Адна з супрацоўніц гэтага кол-цэнтра расказвае ў сюжэце БТ: знайшла ў 2023 годзе ў інтэрнэце вакансію, на сумоўі былі стандартныя пытанні, сутнасць працы асабліва не тлумачылі.
У асноўным махляры падманвалі жыхароў Расіі. Пасля часам званілі і жыхарам Украіны. Кліентам прапаноўвалі адкрыць брокерскі рахунак, стартавы ўзнос — 200 даляраў.
З сярэдзіны лета 2022 года ў махляроў было пяць кол-цэнтраў у Мінску, пазней яны пераехалі ў адзін каля станцыі метро «Усход».
У супрацоўнікаў былі строгія правілы — уся працы толькі з офіса на выдадзеным абсталяванні. Пацярпелым, якім званілі, высвечваўся не беларускі нумар, а іншай краіны.
Гэта другі падобны раскрыты кол-цэнтр. Летась накрылі яшчэ адзін, затрымалі каля паўсотні чалавек. Ці звязаныя гэтыя кол-цэнтры, пакуль невядома.
Цяпер чытаюць
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
Куплялі машыны, трацілі грошы ў Беларусі, імаверна і ў Расеі. Так што ўсё вярталася, у амаль сумесную зараз эканоміку.