Ціханоўская патлумачыла, чаму не каментуе знікненне Анжалікі Мельнікавай
Дэмакратычная лідарка Святлана Ціханоўская запісала кароткае відэа, у якім патлумачыла, чаму яе голасу пасля знікнення Анжалікі Мельнікавай амаль не чуваць.
«Рэч у тым, што на гэты момант пакуль няма дакладнай інфармацыі, каб рабіць высновы пра яе месцазнаходжанне ці што з ёй здарылася. Вядома, мы ўсе перажываем і непакоімся, але ў такіх абставінах я не хацела б спекуляваць на гэту тэму. Цяпер расследаваннем займаюцца польская паліцыя і пракуратура. Я ўдзячная ўсім, хто робіць намаганні па пошуку Анжалікі», — заявіла Святлана Ціханоўская.
Акрамя таго, яна выказала словы падтрымкі ўсім сябрам Каардынацыйнай рады і заклікала не забывацца пра меры бяспекі, працягваючы берагчы і падтрымліваць адзін аднаго.
Пра знікненне спікеркі Каардынацыйнай рады Анжалікі Мельнікавай яе калегі паведамілі ўвечары 28 сакавіка. У заяве Паўла Латушкі гаварылася, што сувязь адсутнічае з 25 сакавіка, аднак гаворка ідзе пра анлайн-камунікацыю. Насамрэч Мельнікаву ўжывую не бачылі ўжо даўным-даўно. Пазней стала вядома, што Анжаліка Мельнікава пакінула тэрыторыю Еўрасаюза 26 лютага, а яе былы муж з'ехаў з Польшчы ў Беларусь 3 сакавіка.
7 красавіка журналістам «Люстэрка» ўдалося паразмаўляць з былым мужам Анжалікі Мельнікавай, які пацвердзіў, што знаходзіцца ў Беларусі, а дзеці — пры ім. Бацькі Мельнікавай у размове з журналістам «Еўрарадыё» таксама пацвердзілі, што дзеці знаходзяцца ў Беларусі, а пра месцазнаходжанне самой Анжалікі яны самі нічога не ведаюць і трывожацца.
Сусед Мельнікавай: Некалькі тыдняў таму нейкі мужчына выносіў з кватэры сабраныя рэчы
Брытанская паліцыя не праводзіць расследавання ў сувязі са знікненнем Анжалікі Мельнікавай
Калегі Анжалікі Мельнікавай расказалі пра апошнія размовы з ёй
У сувязі са знікненнем Мельнікавай польская паліцыя правярае пагрозы на адрас Латушкі
Маці Анжалікі Мельнікавай: «Унукам кажу, што яна ў камандзіроўцы»
«Дзеці са мной». Журналісты дазваніліся да былога мужа Анжалікі Мельнікавай і спыталі, дзе можа быць спікерка КР
Герой Беларусі Марына Васілеўская нарадзіла дачку ад касманаўта Алега Навіцкага16
Каментары
Хутка, шмат хутчэй чым падаецца любыя каментары Ціханоўскай будуць успрымацца аднолькава як каментары Шарэцкага, Пазняка, Мілінкевіча, і іншых has beens (г.зн. "лідараў" мінулых часоў).