«Дзеці са мной». Журналісты дазваніліся да былога мужа Анжалікі Мельнікавай і спыталі, дзе можа быць спікерка КР
На мінулым тыдні з'явілася інфармацыя, што былога мужа Анжалікі Мельнікавай у кампаніі дзвюх дачок бачылі ў Беларусі. «Люстэрку» ўдалося крыху пагаварыць з мужчынам — у першую чаргу пра тое, ці вядома яму, дзе цяпер Анжаліка.
Журналісты дазваніліся да экс-мужа Анжалікі Мельнікавай Андрэя раніцай 7 красавіка.
— Навошта вы мяне турбуеце, я не разумею? — спытаў мужчына.
— Вы ведаеце, дзе Анжаліка?
— Не, вядома. Мы ж разведзены. Чаму вы, дарэчы, мне ўсе тэлефануеце, калег з працы пастаянна дастаеце?
— Дзеці з вамі?
— Так, са мной (у Анжалікі і Андрэя дзве дачкі, 7 і 13 гадоў).
— І вы ў Беларусі?
— Так.
— Даўно?
— Вы што, з паліцыі?
— Не, але знік чалавек.
— Так, знік. Чакаем, калі з’явіцца.
— Калі вы апошні раз размаўлялі з Анжалікай?
— Даўно ўжо. Натуральна, таксама хвалююся, куды яна знікла.
— У вас ёсць здагадкі, дзе яна можа быць?
— Увогуле няма. Без паняцця. Я б папрасіў вас больш не тэлефанаваць, не люблю размоў з прэсай. Да пабачэння.
Паводле звестак «Белпол», Андрэй Мельнікаў — праграміст, доўгі час працаваў у ЕРАМ, а апошняе яго месца працы — старшы інжынер у ТАА «Годэл Тэкналоджыс Юроп». Выданне Deutsche Welle паведамляла, што з 2021 года ён працаваў у варшаўскім офісе кампаніі.
Пра знікненне спікеркі Каардынацыйнай рады Анжалікі Мельнікавай яе калегі паведамілі ўвечары 28 сакавіка. У заяве Паўла Латушкі гаварылася, што сувязь адсутнічае з 25 сакавіка, аднак гаворка ідзе пра анлайн-камунікацыю. Насамрэч Мельнікаву ўжывую не бачылі ўжо даўным-даўно. Пазней стала вядома, што Анжаліка Мельнікава пакінула тэрыторыю Еўрасаюза 26 лютага, а яе былы муж з'ехаў з Польшчы ў Беларусь 3 сакавіка.
-
Вальфовіч назваў выбух дрона каля аўтобуса выпадковым, але позна. Прапаганда паспела знайсці вінаватых і абліць увесь свет дзярмом
-
«Я была ў шоку ад радасці і шчасця». Беларуска 15 гадоў шукала італьянскую сям’ю, у якой жыла дзіцём пасля Чарнобыля
-
У Белавежскай пушчы будуць рабіць канцэртную пляцоўку
Цяпер чытаюць
Сакратар Рады бяспекі заклікаў беларусаў устрымацца ад паездак у Расію8
Каментары
конечно понимаю