Грамадства66

«Салодкая гліна за 9 рублёў». Беларусы спрачаюцца з-за цаны на шакаладку «Алёнка»

У тыктоку завірусілася відэа з цаной на шакалад «Алёнка» — 9,39 рубля за 200 грамаў. Пад ролікам разгарэлася гарачая спрэчка: адныя абараняюць якасць і смак, іншыя абураныя коштам, заўважыла BGmedia.

Фота ілюстрацыйнае

«Гэта нармальна за «Алёнку»? — спытаў аўтар відэа, знятага ў адной з беларускіх крамаў.

Каментары пад ролікам падзяліліся на два лагеры — адныя лічаць цану адэкватнай, іншыя ў шоку ад падаражання.

«За такія грошы ў Польшчы можна ўзяць Milka 300 грамаў»;

«У Еўропе швейцарскі — 3 еўра за 200 грамаў»;

«Лепш дадаць і купіць кілаграм мяса».

Аднак абаронцы брэнда нагадваюць: какава-бабы даражэюць па ўсім свеце, і Беларусь — не выключэнне.

«Какава падаражэла, а ў нас яна не расце. Прывыкайце да новых рэалій», — піша адзін з каментатараў.

І сапраўды, з пачатку 2024 года сусветная цана на какаву вырасла больш чым удвая, дасягнуўшы гістарычнага максімуму — больш за 10 000 даляраў за тону. Прычыны — неўраджаі ў Кот-д'Івуары і Гане (краіны-лідары па вытворчасці какавы) і рост попыту.

Гэта ўплывае на ўсе рынкі: ад ЗША да Беларусі. Па даных Белстата, за год у Беларусі цэны на шакалад і кандытарскія вырабы выраслі ў сярэднім на 20-30%. І гэта толькі афіцыйная статыстыка.

«Камунарка наогул з дуба ляснулася, — абураюцца пакупнікі. — Цэны амаль удвая падняла!»

Некаторыя скардзяцца і на смак:

«Раней быў шакалад, а цяпер — салодкая гліна».

Але знаходзяцца і тыя, хто гатовы плаціць:

«Добры шакалад, з выдатным складам, не хімозны. Адэкватная цана».

Некаторыя адзначаюць, што доля какавы ў недарагіх плітках можа быць усяго 10-20%. Астатняе — цукар, сухое малако і заменнікі какававага масла. Гэта значыць, нават пры высокай цане не заўсёды гаворка ідзе пра якасны прадукт. Тым боль што заробкі ў большасці беларусаў не растуць у тым жа тэмпе, што і цэны. Гэта робіць звычайныя прысмакі ўсё менш даступнымі.

«З цэнамі ўсё нармальна — гэта заробкі ў нас не адпавядаюць», — рэзюмуе адзін з каментатараў. 

Каментары6

  • даведка
    10.05.2025
    Старого гендиректора фабрики сняли, а новым, видимо, будет безопасник из СБП.
  • даведка
    10.05.2025
    «Алёнка» от «Спартак» 85г за 4,15 («Копеечка»), на первом месте в составе — сахар.
  • Ёсік
    10.05.2025
    Шаноўныя, адмоўцеся ад гэтага га.на. Ну жылі ж раней без шакалада. Зубы псуецё, цукровы дыябет, тлушч па баках вісіць. Не дадае ён радасьці раніцай, дуркаватая звычка і самазаспакаеньне, душ раніцай прыміце на поўхалодны, адчуеце бадзёрасьць, радасьць, жаданьне жыць.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Кіроўцы фур з дронамі, што атакавалі расійскія аэрадромы, расказалі, хто і навошта іх наняў1

Кіроўцы фур з дронамі, што атакавалі расійскія аэрадромы, расказалі, хто і навошта іх наняў

Усе навіны →
Усе навіны

Сцяпан Пуціла: Мяне спрабавалі выкрасці з дапамогай пасольства Беларусі ў Варшаве24

Украінская разведка заявіла пра падрыў расійскага вайсковага цягніка пад Мелітопалем5

Літоўская рэжысёрка адказала Курэйчыку наконт скандальнага серыяла «Акрэсціна»13

Звольнілі начальніка мінскага СІЗА №112

Перад абрушэннем моста ў Бранскай вобласці пасажыры чулі выбух21

Куды і як выехаць з Мінска на дзень, каб адпачыць? Пяць ідэй8

У Расіі абрынуўся другі за ноч чыгуначны мост. Падазраюць дыверсію21

Навукоўцы высветлілі, чаму некаторыя дзеці пачынаюць хадзіць пазней за іншых

У Бранскай вобласці мост, па якім ехала фура, абрынуўся на пасажырскі цягнік. Сем загінулых34

больш чытаных навін
больш лайканых навін

Кіроўцы фур з дронамі, што атакавалі расійскія аэрадромы, расказалі, хто і навошта іх наняў1

Кіроўцы фур з дронамі, што атакавалі расійскія аэрадромы, расказалі, хто і навошта іх наняў

Галоўнае
Усе навіны →

Заўвага:

 

 

 

 

Закрыць Паведаміць