Еўрапейскі камісар падтрымаў пазоў Літвы супраць Беларусі за мігранцкі крызіс
Падчас візіту ў Літву еўракамісар па ўнутраных справах і міграцыі Магнус Брунер выказаў падтрымку пазову Літвы супраць Беларусі з-за міграцыйнага крызісу, які, на думку Вільні, быў арганізаваны рэжымам Аляксандра Лукашэнкі, піша LRT.
Магнус Брунер заявіў, што цалкам падтрымлівае дзеянні Літвы і іншых краін Еўрасаюза ў пытаннях вяртання выдаткаў, а таксама рашэнне Літвы звярнуцца ў Міжнародны суд. Гэты пазоў, на думку Міністэрства юстыцыі Літвы, можа мець значэнне і для разгляду спраў у Еўрапейскім судзе па правах чалавека.
На мінулым тыдні Літва разам з васьмю іншымі краінамі ЕС апублікавала адкрыты зварот, у якім заклікала перагледзець падыходы да тлумачэння Еўрапейскай канвенцыі па правах чалавека, асабліва ў галіне міграцыі. Брунер таксама падтрымаў гэты зварот, падкрэсліваючы неабходнасць адаптацыі прававых інструментаў да сучасных выклікаў.
Ён адзначыў, што Еўракамісія імкнецца падтрымліваць краіны-члены праз рэалізацыю новага міграцыйнага пакта, стварэнне сістэмы вяртання мігрантаў і канцэпцыю «бяспечнай трэцяй краіны».
Раней Еўрапейскі суд па правах чалавека ўжо разглядаў справы супраць Літвы, Латвіі і Польшчы, звязаныя з магчымымі парушэннямі ў адносінах да мігрантаў. Як паведамлялася, у 2021 годзе Літва сутыкнулася з масавым наплывам нелегальных мігрантаў з тэрыторыі Беларусі, і Захад абвінаваціў у гэтым улады ў Мінску. З таго часу літоўскія памежнікі спынілі каля 23700 спроб незаконнага перасячэння мяжы.
Пазоў супраць Мінска па справе аб мігрантах: Літва патрабуе 200 мільёнаў еўра кампенсацыі
Прэм'ер Літвы: За выключэннем асобных людзей пятай калоны ў краіне няма
Міністр унутраных спраў Літвы выказаўся за тэхнічнае ўзмацненне мяжы з Беларуссю
Начальнік Штаба абароны Літвы пра будучыя беларуска-расійскія вучэнні: Пакуль мы не бачым ніякіх сюрпрызаў
Прэзідэнт Літвы пазбавіў палітыка, які нядаўна ездзіў у Мінск, дзяржаўнай узнагароды
Цяпер чытаюць
Памілаваныя 15 чалавек, сярод якіх 13 палітвязняў15
Каментары