Спецпрадстаўнік ЗША пракаментаваў атакі ўкраінскіх дронаў па расійсікіх аэрадромах падчас аперацыі СБУ «Павуцінне»
Келаг занепакоіўся павышэннем «узроўню рызык» праз аперацыю «Павуцінне».
Спецыяльны прадстаўнік прэзідэнта ЗША ў справах Украіны Кіт Келаг заявіў, што спецаперацыя «Павуцінне» павысіла ўзровень рызык у вайне з Расіяй, хоць і прызнаў смеласць гэтай аперацыі. Пра гэта Келаг сказаў у інтэрв’ю Fox News, паведамляе «Еўрапейская праўда».
Паводле яго слоў, Украіна паказала здольнасць наносіць удары па расійскіх аб’ектах глыбока на тэрыторыі РФ. Ён дадаў, што значэнне гэтых удараў заключаецца не столькі ў знішчэнні самалётаў, колькі ў псіхалагічным эфекце, які яны аказваюць на расійскае кіраўніцтва і вайскоўцаў.
Аднак разам з тым Келаг выказаў занепакоенасць тым, што такія атакі могуць павялічыць рызыку эскалацыі.
«Калі вы атакуеце частку нацыянальнай сістэмы выжывання праціўніка, а менавіта яго ядзерную трыяду, гэта азначае, што ўзровень рызыкі ўзрастае, бо вы не ведаеце, як адрэагуе іншы бок… Гэта вельмі смелая атака. Але калі вы гэта робіце, цалкам зразумела, што ўсе астатнія ўзроўні [эскалацыі] таксама растуць. Я думаю, менавіта гэтага мы спрабуем пазбегнуць», — сказаў Келаг.
У той жа час ён дадаў: гэтая спецаперацыя паказала, што Украіна не збіраецца здавацца.
«Украіна, па сутнасці, гаворыць: мы таксама можам гуляць у гэтую гульню. І яны могуць павысіць узровень рызыкі да тых межаў, якія, на маю думку, з’яўляюцца непрымальнымі», — адзначыў ён.
Раней амерыканскі сенатар Рычард Блументаль параўнаў атакі ўкраінскіх беспілотнікаў на вайсковыя аб’екты ўглыб Расіі з аперацыяй па ліквідацыі «тэрарыста №1» Усамы бен Ладэна.
Паводле прэзідэнта Украіны Уладзіміра Зяленскага, аперацыя Службы бяспекі Украіны «Павуцінне» прадэманстравала, што Украіна здольная прымаць эфектыўныя тактычныя рашэнні падчас вайны.
1 чэрвеня Украіна правяла масіраваную атаку на вайсковыя аэрадромы Расіі. Дроны падвезлі да аэрадромаў у фурах.
«Мы ж не ведалі, што там знаходзіцца аэрадром». Беларус Антон Мацкевіч патлумачыў, чаму спрабаваў спыніць украінскія дроны з фуры
«Мы кідалі камяні, каб яны не ўзляталі». Адным з тых, хто спрабаваў спыніць дроны, што выляталі з фур, быў беларус Антон
Кіроўцы фур з дронамі, што атакавалі расійскія аэрадромы, расказалі, хто і навошта іх наняў
«Рускі Пёрл-Харбар». Z-каналы ў шоку ад украінскай атакі на расійскія аэрадромы
Украіна масіравана атакавала расійскія аэрадромы і знішчала бамбардзіровачную авіяцыю
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае6
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары
Якой яшчэ эскалацыі ён баіцца? Расея і так робіць усё магчымае, каб знішчыць Украіну і ўкраінцаў.
Ядзернай вайны?
Калі Расея зараз жа не адказала "эскалацыяй", значыць, яе чырвоныя лініі яшчэ не тут. (Тут чарговыя карычневыя).
[Зрэдагавана]