Брату Ігара Лосіка вынеслі прысуд па справе «Беларускага Гаюна»
Віцебскі абласны суд разглядаў справу Мікіты Лосіка на адкрытым працэсе. Прысуд стаў вядомы 8 ліпеня — тры гады «хіміі», піша «Радыё Свабода».
26-гадовага Мікіту Лосіка затрымалі ў Оршы ў пачатку красавіка 2025 года. Прычынай затрымання стала так званая справа «Беларускага Гаюна».
Лосіка абвінавацілі паводле артыкула 361.4 (садзейнічанне экстрэмісцкай дзейнасці). Паводле версіі следства, Мікіта Лосік у лютым 2022 года даслаў у тэлеграм-канал некалькі фотаздымкаў расійскай вайсковай тэхнікі, якая ехала праз Оршу.
Пасля абвяшчэння прысуду Мікіту Лосіка вызвалілі ў зале суда. Прысуд уступіць у законную сілу праз 10 дзён. Адбываць пакаранне Лосік павінен ва ўстанове адкрытага тыпу.
Мікіта — малодшы брат палітвязня Ігара Лосіка, асуджанага на 15 гадоў пазбаўлення волі. Ігар Лосік знаходзіцца за кратамі ўжо больш за пяць гадоў.
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары