Васкрасенскі: Адкрываецца неба — і Алесь Бяляцкі адразу выходзіць
Праваабаронца і былы палітвязень Леанід Судаленка паразмаўляў з прапагандыстам Юрыем Васкрасенскім пра магчымасці вызвалення палітвязняў. Прадстаўнік лукашэнкаўцаў расказаў, якія мусяць быць умовы для поўнамаштабнай амністыі.
Юрый Васкрасенскі просіць не лічыць ягоную пазіцыю афіцыйнай, але сцвярджае:
«Мяркую, калі нашы амерыканскія калегі-партнёры здымуць усякія абмежаванні на транзіт калію, на продаж азоту, калі яны пойдуць на такі крок, як адкрыццё паветранай прасторы, пераканаўшы еўрапейскіх партнёраў гэта зрабіць, я мяркую, што турмы б апусцелі як мінімум у два разы. Я маю на ўвазе тую колькасць тых людзей, якіх вы называеце палітычнымі вязнямі».
Падчас размовы ён паўтарае гэты тэзіс неаднаразова, асабліва робячы акцэнт на аднаўленне паветранага злучэння:
«Дайце плюшку. Адкрыйце неба для беларусаў. Дайце дазвол на правоз калію».
«Адкрываецца неба — і Алесь Бяляцкі адразу выходзіць».
Без максімальных саступак рэжыму ніякае паляпшэнне сітуацыі з палітвязнямі, паводле слоў Васкрасенскага, немагчымае:
«Я з'яўляюся адным з самых ліберальных прадстаўнікоў цяперашняга беларускага палітыкума. Але нават я, будучы кіраўніком дзяржавы, не выпусціў бы ні Бабарыку, ні Калеснікаву, ні Бяляцкага без нейкіх сустрэчных крокаў. Нам гэта сто гадоў не трэба. Нам, як палітычнай сістэме».
Цяпер чытаюць
Прапагандысты запэўніваюць, што 196 палітвязняў ужо на свабодзе7
Каментары
Давай так - [Рэд. Выдалена] Луку, колю, Віцю і Ганну Сялук. [Рэд. Выдалена] Азаронка і Карпянкова. Гігіна ў навінкі на лячэнне шызы. І адразу здымаем палову санкцыяў, гатовы на такое?
[Зрэдагавана]