Трамп: Расія мае толькі 10 дзён, каб спыніць вайну супраць Украіны. Яны пачынаюцца сёння
Прэзідэнт ЗША Дональд Трамп папярэдзіў Расію: яна мае 10 дзён, каб спыніць вайну супраць Украіны. У адваротным выпадку ЗША ўвядуць новыя мытныя пошліны і іншыя меры супраць Масквы. Пра гэта Трамп паведаміў журналістам перад вылетам з Шатландыі 29 ліпеня.
Дональд Трамп сказаў, што не ўпэўнены, ці паўплываюць гэтыя захады на Расію, але ён гатовы іх ужыць. Калі Расія не спыніць вайну да 8 жніўня, будуць уведзеныя жорсткія эканамічныя меры.
«Хочаце вялікую сенсацыю? Дзесяць дзён з сённяшняга дня. У нас ёсць сенсацыя. І тады, ведаеце, мы ўвядзём пошліны і іншыя меры, але я не ведаю, ці паўплывае гэта на Расію, таму што яна, відавочна, хоча, мабыць, працягваць вайну», — заявіў прэзідэнт ЗША.
Раней, 28 ліпеня, Трамп адзначыў, што няма сэнсу чакаць даўжэй і даў Расіі 10—12 дзён, каб завяршыць вайну. Ён таксама падкрэсліў, што яму не хочацца ўводзіць санкцыі, бо ён «любіць расійскі народ», але Пуцін не пакідае іншага выбару. Пры гэтым Трамп не зацікаўлены ў асабістай сустрэчы з Пуціным.
Прэс-сакратар Пуціна Дзмітрый Пяскоў заявіў, што ў Крамлі звярнулі ўвагу на заяву Трампа, але працягваюць называць вайну «спецыяльнай ваеннай аперацыяй».
Яшчэ 14 ліпеня Трамп выказваў незадаволенасць дзеяннямі Пуціна і папярэджваў, што калі перамір’е не будзе дасягнута на працягу 50 дзён, ЗША ўвядуць вельмі вялікія мыты супраць Расіі і яе гандлёвых партнёрай.
У Белым доме пасля тлумачылі, што гаворка ідзе пра 100% пошліны на расійскі імпарт і «другасныя санкцыі» супраць тых краін, якія працягваюць купляць расійскую нафту. З улікам таго, што гандаль паміж ЗША і Расіяй зараз мінімальны, гэтыя меры могуць ударыць перш за ўсё па іншых партнёрах Расіі.
Пяскоў: Расія прыняла да ведама словы Трампа, вайна працягваецца
Мядзведзеў прыгразіў ЗША вайной пасля таго, як Трамп скараціў тэрмін ультыматуму Пуціну
Трамп сказаў, што расчараваны ў Пуціне і скарачае тэрмін ультыматуму
Пяскоў: Трамп і Пуцін могуць сустрэцца ў Кітаі, калі «апынуцца ў адным горадзе»
Трамп заявіў, што Пуцін і Зяленскі абавязкова сустрэнуцца
Каментары