Бабарыка быў страшна шчаслівы, калі даведаўся, што стаў дзедам — яго дачка нарадзіла ў Аўстраліі
Былы адвакат палітзняволеных Віктар Мацкевіч расказаў Deutsche Welle, як адзін з ягоных знакамітых падабаронных, Віктар Бабарыка, паводзіў сябе ў турме і што нават там яго радавала.
— Віктар, раскажыце пра вашу працу з Віктарам Бабарыкам. Выказваў ён шкадаванне, што ўлез у палітыку? І што дапамагала яму трымацца ў зняволенні?
— З Бабарыкам я пачаў працаваць, калі ён ужо знаходзіўся ў калоніі ў Наваполацку. Яму было вельмі прыемна, калі яго наведвалі, таму што мы прывозілі навіны ад дзяцей.
У канцы 2022 года ягоная дачка нарадзіла ў Аўстраліі. Я прыносіў яму фатаграфіі, паказваў унучку. Ён быў страшна шчаслівы — гэта яго вельмі падтрымлівала, ён быў на пазітыве.
Я таксама паведамляў яму навіны ад сына, які тады знаходзіўся ў СІЗА. Сіла і стойкасць Эдуарда таксама яго натхнялі.Ён расказваў, што ў зняволенні займаецца ёгай, шмат чытае, вучыць англійскую і дапамагае вучыць іншых. Для Віктара Дзмітрыевіча гэта было важна.
Ён ніколі не скардзіўся і не казаў: «Навошта я пайшоў на выбары». Думаю, ён і цяпер на пазітыве, верыць, што ўсё хутка скончыцца. Тым больш што ёсць некаторыя зрухі з вызваленнем палітвязняў. Таму выключаць нічога нельга — трэба верыць, і ён верыць.
«Я яшчэ мог сумнявацца ў сабе. Але калі Маша такое зрабіла!» Невядомыя факты пра Віктара Бабарыку расказала яго адвакатка Наталля Мацкевіч
Вызвалены палітвязень Балахонаў: Бабарыка ўвесь час на ШІЗА і ПКТ
Пяць гадоў таму затрымалі Віктара і Эдуарда Бабарыкаў
Супрацоўніца СІЗА крычыць канваіру: «Асцярожней! Ты вядзеш Нобелеўскага лаўрэата!»
«Быў проста валанцёрам». Што вядома пра начальніка аховы штаба Бабарыкі, якога паказалі па АНТ
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс6
Каментары