«Немагчыма выйграць вайну, не атакуючы захопніка». Трамп абвінаваціў Байдэна ў тым, што ён забараняў Украіне біць па Расіі
Прэзідэнт ЗША напісаў чарговы крытычны пост на адрас свайго папярэдніка і назваў Расію захопнікам.
Прэзідэнт ЗША Дональд Трамп заявіў, што ягоны папярэднік Джо Байдэн забараняў Украіне атакаваць тэрыторыю Расіі.
У новым допісе ў сваёй сацыяльнай сетцы Трамп фактычна назваў Расію захопнікам.
«Вельмі цяжка, калі не немагчыма, выйграць вайну, не атакуючы краіну-захопніка. Гэта як у спорце: ёсць вялікая каманда з бліскучай абаронай, але ёй не дазваляюць гуляць у атацы. Шанцаў на перамогу няма! Тое ж самае з Украінай і Расіяй. Карумпаваны і вельмі некампетэнтны Джо Байдэн не дазволіў Украіне наступаць, а толькі абараняцца. Ну і як гэта спрацавала?» — напісаў Трамп.
Ён у чарговы раз паўтарыў тэзіс пра тое, што вайны б не было, калі б ён быў прэзідэнтам. А таксама паабяцаў усім «цікавыя часы».
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары
Цяпер Трамп навешвае на Байдэна ўсіх сабакаў, ды коціць на яго бочкі... Гэта ўжо не папулізм, гэта мярзота.