Сярод палітвязняў, якія былі вызваленыя 11 верасня — філосаф і метадолаг Уладзімір Мацкевіч, які з 2021 года адбываў прысуджаны яму 5-гадовы тэрмін.
69-гадовы Уладзімір Мацкевіч — беларускі філосаф, метадолаг, грамадска-палітычны дзеяч, тэлевядучы. У свой час ён заснаваў Агенцтва гуманітарных тэхналогій у Мінску, быў кіраўніком кансорцыума «ЕўраБеларусь» (2011—2016), ініцыятарам праграмы «Лятучы ўніверсітэт».
Паходзіць з сям’і, якая пацярпела ад дэпартацый у Сібір. Вучыўся ў Ленінградскім дзяржаўным універсітэце на факультэце псіхалогіі, быў вучнем метадолага Георгія Шчадравіцкага, удзельнічаў у Маскоўскім метадалагічным гуртку. Працаваў у Літве, Латвіі, Расіі, з 1994 года ў Беларусі. Аўтар і арганізатар шматлікіх праектаў у сферы адукацыі, культурнай палітыкі, грамадзянскай адукацыі.
У палітычным жыцці быў членам Аб’яднанай грамадзянскай партыі, актыўна ўдзельнічаў у дэмакратычных рухах у Латвіі і Беларусі, кансультаваў палітычныя партыі, прафсаюзы, грамадскія арганізацыі.
У жніўні 2021 года быў арыштаваны КДБ Беларусі і прызнаны палітвязнем. У чэрвені 2022 года Мінскі абласны суд асудзіў яго на 5 гадоў пазбаўлення волі за ўдзел у пратэстах, стварэнне «экстрэмісцкага фармавання» і «абразу Лукашэнкі».
«Лена 20 рублёў» узялася за старое: знакамітая махлярка зноў разводзіць даверлівых беларусаў3
Каментары
это как-то помогает в войне или нет?