«Размова, якая цягнулася каля пяці гадзін», — паведаміў Пул першага.
«Я вас вітаю ў Беларусі. Дзякуй, што знаходзіце час пабываць у Беларусі. Час няпросты», — сказаў Лукашэнка на пачатку сустрэчы.
Ён прапанаваў абмеркаваць шэраг пытанняў, да якіх бакі падыходзілі не адзін раз. «Па-першае, гэта ўвесь комплекс беларуска-амерыканскіх адносін. Я прапаную таксама шчыра закрануць пытанні сітуацыі ў свеце ў кантэксце інтарэсаў ЗША і Беларусі. Нікуды не сыдзем ад пытанняў вайны і міру», — заявіў Аляксандр Лукашэнка.
Найважнейшым пытаннем ён таксама назваў сферу эканомікі: «Думаю, у вас ёсць інтарэсы да Беларусі і праз Беларусь — да Расіі ў галіне эканомікі. Натуральна, у нас вялікая цікавасць да вашай глабальнай краіны ў плане эканомікі».
«Я думаў, што сказаць найперш. Але, як бы гэта ні прагучала банальна, я хачу падзякаваць вашаму прэзідэнту (не таму, што хачу яму падлізвацца — гэта мне не ўласціва) за тыя намаганні, якія ён прыкладае ў напрамку міру, і найперш у нашым рэгіёне, — сказаў Лукашэнка. — Сем, шэсць — спыніў войнаў або канфліктаў — не важна. Ён спыніў нямала канфліктаў. Кажу як гісторык і як прэзідэнт, які ўжо доўга працуе: ні адзін прэзідэнт Злучаных Штатаў Амерыкі не прыклаў столькі намаганняў і такіх намаганняў, каб на планеце быў мір. Думаю, з эканомікай, з пошлінамі вы разберацеся самі. Тым не менш, я ўдзячны, Джон, твайму сябру Дональду за тыя намаганні, якія ён ажыццяўляе ў сусветнай палітыцы сёння».
«Дзякуй! Вельмі высока цаню вашы словы», — адказаў на гэтыя словы Джон Коул.
Аляксандр Лукашэнка падкрэсліў важнасць таго, каб ЗША і далей працягвалі дзейнічаць у гэтым напрамку: «Галоўнае цяпер, як я гэта бачу (не толькі я — вы ведаеце, што нядаўна адбылася нарада ШАС, шмат пра гэта гаварылі, асабліва ў кулуарах), каб Дональд, нягледзячы на яго такі бурны, выбуховы характар, не астыў да гэтай тэмы. Галоўнае, каб вы — амерыканцы — вытрымалі той трэнд, які вы сёння задалі ў частцы мірнага пагаднення. Асабліва тут, у рэгіёне — у канфлікце Расіі і Украіны».
«І галоўнае — жадаю вам пабольш аб’ектыўнасці. Трэба слухаць усіх — гэта Дональд умеў рабіць, але высновы ён павінен рабіць сам,» — дадаў Лукашэнка
***
Як звычайна адбываецца ў такіх сітуацыях, чакаецца, што ў якасці «падарунка» будуць вызваленыя палітвязні.
Мінулы раз пасля сустрэчы з Кітам Келагам 21 чэрвеня былі вызваленыя 14 палітвязняў на чале з Сяргеем Ціханоўскім.
Ці варта купляць закінутую хату за адну базавую і колькі гэта каштуе насамрэч? Вось што расказваюць людзі4
Каментары
За комменты 5 летней давности. Телефон был давно уничтожен. Телега ВСЕ помнит. (самый крутой защищенный мессенджер ага)..... И явно он не будет политкзаключенным - его НИКТО не знает из "политических"....