Жыхары Грушаўкі і Міхалова застаюцца без дэпутаткі: чэмпіёнка Мірончык-Іванова збіраецца ў дэкрэт
Дэпутатка Настасся Мірончык-Іванова будзе вымушана зрабіць перапынак у сваёй працы ў Палаце прадстаўнікоў. Прычына банальная: неўзабаве яна ў другі раз стане маці. А што ж будзе з яе «выбарцамі» з Дзяржынскай акругі №98?
Нагадаем: у 2020 годзе скакуха Настасся Мірончык-Іванова падпісала праўладны ліст у падтрымку Лукашэнкі. Падзякі не прыйшлося чакаць доўга: чэмпіёнку — а яна шэсць разоў выйгравала чэмпіянат Беларусі, мае бронзавы медаль чэмпіяната свету — паклікалі на таемную інаўгурацыю палітыка, потым на запіс яго навагодняга звароту. А затым пасадзілі ў прэзідыум Усебеларускага народнага сходу.
Раней Настасся хацела займацца музыкай і модай. У 2020 яна спрабавала заскочыць у шоу-бізнэс і запісвала песні разам з Віталем Варанко — баяністам і актыўным прыхільнікам Лукашэнкі. Казала і пра стварэнне ўласнага брэнда адзення.
Але ўсё гэта засталося ў мінулым. У выніку Настасся пайшла атрымліваць юрыдычную адукацыю ў Акадэміі кіравання, а таксама не спыняючыся хваліла ўлады.
Вынік прадказальны: летась былой спартсменцы выдалі дэпутацкі мандат. Мірончык-Іванова балатавалася па Дзяржынскай выбарчай акрузе №98 у Мінску, якая ўключае ў сябе Грушаўку, Міхалова і частку Брылевічаў. На выбарах ёй намалявалі 52% галасоў.
На старонку Настассі ў інстаграме падпісана больш за 51 тысячу чалавек. Там яна ўперамешку посціць здымкі з афіцыйных мерапрыемстваў і сэксуальныя фота ў купальніках з шыкоўнага адпачынку ў Дубаі. У сторыс можна пабачыць, як кожны месяц яна цёгаецца па крамах і перапісвае цэны — кажа, улада ўсё кантралюе.
Днямі дэпутатка падзялілася з падпісчыкамі радаснай навіной: у яе сям’і будзе папаўненне.
Настасся ў шлюбе з лёгкаатлетам Сяргеем Івановым, у іх ёсць 11‑гадовы сын. Самых блізкіх людзей муж з жонкай запрасілі на гендар-паці. Зрабілі ўсё традыцыйна: блакітныя і ружовыя шарыкі, торт і пірожныя ў такіх жа колерах.
Запісваючы відэа для будучага дзіцяці, Настасся з мужам сказалі, што чакаюць дзяўчынку, за хлопчыка выступіў толькі іх першы сын Глеб. У выніку высветлілася, што ў дэпутаткі сапраўды мае нарадзіцца дачка.
Атрымліваецца, што хаця б на некаторы час Мірончык-Івановай прыйдзецца паставіць дэпутацкую працу на паўзу. Што з будзе з яе «выбарцамі»?
У выніку, калі дэпутатка Палаты прадстаўнікоў сыходзіць у дэкрэтны адпачынак, за ёй захоўваецца мандат, дадатковыя выбары не прызначаюцца. Тэарэтычна рашэнні прымаюцца калегіяльна, таму часовая адсутнасць аднаго дэпутата не замінае працы Палаты прадстаўнікоў.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары