Куйбышаўскі НПЗ «Раснафты» спыніў перапрацоўку нафты 28 жніўня пасля атакі беспілотнікаў. На заводзе з магутнасцю перапрацоўкі 7 мільёнаў тон у год былі пашкоджаныя дзве ўстаноўкі першаснай перапрацоўкі нафты, а таксама некаторыя другасныя вытворчыя працэсы, паведамляе Reuters са спасылкай на дзве крыніцы ў галіне.
Гэты НПЗ уваходзіць у самарскую групу «Раснафты» і летась вырабіў 800 тысяч тон бензіну і 1,3 мільёна тон дызеля.
Куйбышаўскі завод стаў пятым буйным НПЗ, які спыніў вытворчасць у жніўні з-за атак дронаў. Раней 2 жніўня атакі закранулі Новакуйбышаўскі НПЗ, 10 жніўня — Саратаўскі, 15 жніўня — Валгаградскі НПЗ «Лукойла» і Сызранскі завод.
Таксама 2 жніўня спыніліся каля паловы магутнасцяў Разанскага НПЗ, а Новашахцінскі НПЗ у Растоўскай вобласці гарэў 5 дзён пасля атакі.
Па падліках Reuters, атакі дронаў прывялі да вывядзення з ладу 17% магутнасцяў па перапрацоўцы нафты ў Расіі, а ў жніўні проста стаялі магутнасці па перапрацоўцы 6,4 мільёна тон, ці 23% магутнасцяў — гэта гістарычны рэкорд.
У той жа час вытворчасць паліва зменшылася толькі на 5%, бо праблемы пашкоджаных заводаў былі часткова кампенсаваныя за кошт павелічэння загрузкі іншых НПЗ.
Дроны разбамбілі НПЗ у Самары і Краснадарскім краі. А расійская ракета ўшчэнт разнесла пяціпавярховік у Кіеве
Украінскія атакі па расійскіх НПЗ вывелі з ладу каля 17% магутнасцяў
Украінская разведка: Беларусь не хоча пакрываць расійскі паліўны дэфіцыт
У Венгрыі расцанілі ўсмешлівы адказ Зяленскага адносна нафтаправода «Дружба» як пагрозы Будапешту
Цяпер чытаюць
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы13
Каментары