Прадстаўнік ЗША пры НАТА анансаваў пастаўку Украіне зброі, якой яна раней не мела
Пастаянны прадстаўнік ЗША пры НАТА Мэцью Уітакер заявіў, што ў Злучаных Штатаў ёсць магутная зброя, якую пакуль не перадавалі Украіне. Паводле яго слоў, гэта зброя валодае вялікімі магчымасцямі і здольная наносіць сур’ёзныя ўдары ў выбраным месцы і ў патрэбны момант.
«У нас ёсць магчымасці, якіх цяпер няма на полі бою ва Украіне. Яны вельмі магутныя і могуць у літаральным сэнсе нанесці сур'ёзныя страты ў абраным намі месцы ў выбраны намі час, некаторыя з іх будуць патэнцыйна перавозіцца ва Украіну для выкарыстання», — сказаў Мэцью Уітакер, выступаючы на канферэнцыі па пытаннях бяспекі ў Рызе.
Раней віцэ-прэзідэнт Джэй Дзі Вэнс паведаміў, што ў ЗША абмяркоўваецца магчымасць перадачы Украіне крылатых ракет Tomahawk, але канчатковае рашэнне будзе прымаць прэзідэнт Дональд Трамп.
У Крамлі адрэагавалі на гэтыя заявы. Прэс-сакратар прэзідэнта Расіі Дзмітрый Пяскоў адзначыў, што ў выпадку перадачы Украіне ракет Tomahawk Расія адкажа адпаведным чынам. Сам Уладзімір Пуцін пасля дадаў, што такія пастаўкі не зменяць сітуацыю на фронце: расійскія сістэмы СПА, маўляў, ужо адаптаваліся да аналагічных пагроз, як гэта было з ракетамі ATACMS.
Пастаянны прадстаўнік Расіі пры ААН Васіль Нябензя таксама заявіў, што магчымыя пастаўкі Tomahawk не паўплываюць на ход баявых дзеянняў, а намеснік міністра замежных спраў Сяргей Рабкоў заклікаў ЗША ўзважана падысці да гэтага рашэння, папярэдзіўшы пра сур’ёзныя наступствы, калі амерыканскі персанал будзе непасрэдна ўдзельнічаць у выкарыстанні такой зброі.
Трамп заявіў, што ён «у нейкім сэнсе» прыняў рашэнне наконт паставак Украіне ракет Tomahawk
Трамп восьмы раз заявіў, што расчараваўся ў Пуціне
Пекла ў Расіі: удары па нафтаперапрацоўцы паглыбляюць паліўны крызіс і мяняюць уяўленні Трампа пра перспектывы Украіны
Зяленскі: Пасля маёй сустрэчы з Трампам у нас можа з'явіцца нешта большае
Каментары