Выдавец Раман Цымбераў працягвае выдаваць серыю кніг для дзяцей «Ветрачок», якую запачаткаваў летам 2025 году. Сярод навінак апошняга часу чытачы знойдуць кнігу вершаў паэта і перакладчыка Алега Мінкіна «Зарапад», піша bellit.info.
У кнізе выбраных дзіцячых вершаў Алега Мінкіна, якую праілюстравала Кацярына Мельнікава, паэтычна ўвасабляюцца нацыянальныя міфалагічныя істоты, ажывае раслінны і жывёльны свет, а таксама апяваецца беларускі каляндар.
СМАЎЖЫ
- З прамоклых зарасьцяў ажыны
- Пасьля абложнае iмжы
- Павыпаўзалi на сьцяжыны
- Дасьпехi прасушыць смаўжы.
- Павытыркалi рогi-пiкi,
- Нiбыта ў латах ваяры,
- I так i пруць пад чаравiкi,
- Смаўжы, маруды, недатыкi,
- Вiльготных нетраў жыхары.
- Ах, грозны выпаўзак смаўжыны,
- Каб пад абцас прыпадкам вы
- Ня трапiлi — вас са сьцяжыны
- Перанясу я ў схрон травы.
Выданні серыі «Ветрачок», у тым ліку навінку, можа набыць у «Акадэмічнай кнізе», у краме ў ГЦ «Купалаўскі» пад Кастрычніцкай плошчай (ралеты 41-42, час працы з пн па пт з 11 да 18.30, сб з 11 да 17, ндз з 11 да 16), а таксама праз сайт Kniger.by.
Цяпер чытаюць
Хто той хлопец, які чакаў дзяўчыну пад дажджом у Мінску? Вы дакладна бачылі тое рамантычнае відэа11
Каментары