У Гродне каларытнага вулічнага музыку папрасілі пакінуць цэнтр горада. А разам з ім і іншых рамеснікаў
Гродзенскі вулічны музыка Аляксандр Зімін расказаў, што яго з хэндпанам 7 лістапада «выгналі» з Савецкай вуліцы. Для яго ігра была дадатковай крыніцай заробку. У музыкі быў дазвол на гэта ад Гродзенскага гарвыканкама, але ён яго не падоўжыў, піша Hrodna.life.
«З Пешаходкі мяне сёння выгналі. Дама з уладаў у суправаджэнні супрацоўнікаў міліцыі, якая цяпер сочыць за парадкам. У выніку на працягу вуліцы, ад Маладзёжнага цэнтра да ЦУМа, не стала рамеснікаў. На ўсёй Савецкай — ні аднаго музыкі. Нядобрыя чуткі, але на тое яны і чуткі, так што агучваць не буду. Але настрой, натуральна — ніжэйшы за плінтус», — напісаў музыка.
Аляксандр удакладніў, што бярэ дазвол на вулічную ігру ў гарвыканкаме кожны год, але ў 2025‑м не паспеў гэта зрабіць. «Да канца года засталося ўсяго нічога, у снежні наступнае пісаць на наступны год. У адказ: «Вось будзе дазвол, тады і прыйдзеце, а цяпер сыходзьце», — распавёў Зімін. Паводле яго слоў, дасталася і рамеснікам — іх таксама папрасілі пайсці з вуліцы. У каментарах гэта звязваюць з прыездам Аляксандра Лукашэнкі ў Гродна.
«Ёсць пастанова гарвыканкама ад 2014 года, згодна з якой ад крамы «Ратушны» да Моладзевага цэнтра могуць стаяць толькі ўдзельнікі Гродзенскага аб’яднання майстроў і рамеснікаў «Гарадзенскі каларыт». Проста ніхто не звяртаў на гэта ўвагі, і гандляваў хто хацеў і як хацеў. Мёд, чай, дзеткі са сваімі лялячкамі і алкашы з букецікамі. Цяпер вырашылі навесці парадак. Атрымалі вялікую хвалю абурэння», — патлумачыла ў каментарах рамесніца Людміла.
Аляксандр Зімін — вулічны музыка з Гродна. Грае на вуліцы з 2016 года на хэндпане. Яго незвычайны інструмент у выглядзе лятаючай талеркі стаў славутасцю цэнтра Гродна. З’язджаў у Архангельскую вобласць працаваць на лесапільні, а потым вярнуўся. У Беларусі некалькі гадоў безвынікова змагаўся за медыцынскую даведку для правоў кіроўцы (у яго ДЦП і даведку даваць не хацелі). І лёгка атрымаў яе ў Расіі.
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве
Чым цяпер займаецца экс-удзельнік гурту ЛСП Пятро Клюеў?
Іван Дорн праспяваў у Варшаве па-ўкраінску з беларускім вулічным музыкам
У Цэнтральным парку Гомеля часта спявае афрыканец. Што за ён?
«Усё забаранілі». У Гродне музыкі раней выступалі ў цэнтральных дворыках, а цяпер не будуць
Цяпер чытаюць
Бетанаваць грошы — нацыянальная ідэя беларусаў? Параўналі тэмпы будаўніцтва ў Беларусі, Польшчы, Літве і Латвіі10
Каментары
У Гродне гэта ведалі, магіл б і вы пацікавіцца і дапісаць.