Украіна на перамовах з ЗША адхіліла тры ключавыя патрабаванні «мірнага плана»
Тэлеканал CNN паведамляе, што, хоць прэзідэнт ЗША Дональд Трамп гаворыць пра прагрэc у перамовах адносна заканчэння вайны, Украіна адхіліла тры ключавыя пункты прапанаванага Вашынгтонам «мірнага плана».
Са спасылкай на высокапастаўленую ўкраінскую крыніцу, CNN сцвярджае, што Кіеў не згодны:
- перадаваць Расіі тэрыторыі Данбаса, якія не знаходзяцца пад акупацыяй;
- скарачаць сваю армію да 600 тысяч чалавек;
- адмаўляцца ад магчымасці далучэння да НАТА.
Крыніца адзначыла, што гаварыць пра гатовую і прымальную для Украіны версію плана пакуль нельга. ЗША нібыта прапаноўвалі зрабіць частку Данбаса дэмілітарызаванай зонай пад кантролем Расіі, аднак тэрытарыяльныя пытанні застаюцца няўзгодненымі. Кіеў жа дабіваецца змякчэння абмежавання па колькасці войска і сцвярджае, што адмова ад НАТА стварыла б небяспечны прыклад расійскага ўплыву на альянс.
CNN адзначае, што ўсе тры спрэчныя пункты супадаюць з патрабаваннямі Масквы адносна завяршэння вайны.
На мінулым тыдні стала вядома, што ў адміністрацыі Трампа падрыхтавалі свой «мірны план» па Украіне. Першапачаткова ў ім было 28 пунктаў, якія прэзентаваў Кіеву міністр арміі ЗША Дэн Дрыскал. Пасля абмеркавання ў Жэневе дакумент нібыта скарацілі, па словах Данальда Трампа, да 22 пунктаў, хоць СМІ раней паведамлялі пра 19.
Як сцвярджаюць крыніцы Reuters, амерыканская ініцыятыва грунтавалася на прапановах Расіі, якія тая перадала Вашынгтону ў кастрычніку. У Маскве сфармулявалі свае ўмовы мірнага ўрэгулявання, якія Украіна ўжо раней адкідала. Паводле апублікаванай расшыфроўкі размовы паміж расійскімі чыноўнікамі Юрыем Ушаковым і Кірылам Дзмітрыевым, расійскі бок перадаў амерыканцам сваю версію плана, каб ЗША маглі прапанаваць яго як уласны.
Ушакоў пра публікацыю сваіх размоваў: «Гэта ўсё вельмі незвычайна!..»
Поўная расшыфроўка злітых перамоў спецпрадстаўніка прэзідэнта ЗША Стыва Уіткафа і прадстаўнікоў Пуціна Дзмітрыева і Ушакова
Апублікавана шакуючая праслухоўка перамоў спецпрадстаўніка Трампа і памочнікаў Пуціна. Што там?
Чаму Лукашэнка гэтыя дні злы як чорт?
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары
Чаму і не, кожны бок мае права працягваць вайну, паглядзім як на гэтую адмову адрэагуе ЗША.
У НАТА Украіну прыймуць абавязкова, калі яна выканае ўсе ўмовы ды крытэрыі, ў тым ліку - наяўнасць грамадзянскага кантролю за сілавымі структурамі. Бо гэта будзе выгадным для ўсіх краін-членаў.
НАТА - абарончы саюз, а не нападальны, і Расея як не-член НАТА ня можа ставіць жодных вымог да калектыўных рашэнняў адносна прыёму ў члены, калі датрымана Статутныя працэдуры ды крытэрыі.