Ministr unutranych spraŭ Ivan Kubrakoŭ rasparadziŭsia ŭzmacnić kruhłasutačnuju achovu ŭ Minsku, a taksam załučyć sapiornyja hrupy i hrupy dla manitorynhu internetu. Jon abhruntavaŭ hetyja miery padrychtoŭkaj da praviadzieńnia Usiebiełaruskaha narodnaha schodu.
Kubrakoŭ pravioŭ instruktaž napiaredadni zboru delehataŭ i paviedamiŭ, što dla pastajannaha kantrolu za situacyjaj i abjektami infrastruktury budzie vykarystoŭvacca respublikanskaja sistema manitorynhu hramadskaj biaśpieki, sapiorna-piratechničnyja hrupy, padraździaleńni ŭ supraćdziejańni bieśpiłotnikam i internet-manitorynh.
Jon taksama rasparadziŭsia pieravieści asabovy skład na ŭzmocnieny varyjant słužby i harantavać biaśpieku pierasoŭvańnia ŭdzielnikaŭ schodu. Načalnik Minskaha haradskoha ŭpraŭleńnia MUS Michaił Hryb paćvierdziŭ, što ŭsie budynki, źviazanyja sa schodam, buduć znachodzicca pad kruhłasutačnaj achovaj.
Kubrakoŭ padkreśliŭ, što situacyja moža źmianiacca vielmi chutka, tamu asabovy skład pavinien być hatovy apieratyŭna reahavać na lubyja, u tym liku niestandartnyja, situacyi.
Usiebiełaruski narodny schod projdzie ŭ Minsku 18‑19 śniežnia.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu20
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3636
Kamientary