Суд прыняў рашэнне аб высяленні Ларысы Долінай з прададзенай ёй кватэры
Ларыса Доліна павінна выселіцца з кватэры ў Хамоўніках. Суд задаволіў патрабаванні пакупніцы Паліны Лур'е.
Суд задаволіў патрабаванні пакупніцы кватэры Паліны Лур'е да Ларысы Долінай і членаў яе сям'і аб спыненні права карыстання жылым памяшканнем, паведамляе прэс-служба маскоўскіх судоў.
Рашэнне ўступіла ў сілу — спявачку, яе дачку і ўнучку здымаюць з рэгістрацыі.
Мінулым летам Доліна пад уплывам махляроў прадала сваю кватэру і перадала ім атрыманыя за яе 112 млн расійскіх рублёў. Аднак затым Доліна дамаглася прызнання здзелкі фіктыўнай, і суд канфіскаваў кватэру ў пакупніцы Паліны Лур'е і вярнуў яе артыстцы.
Пасля гэтага спявачка сутыкнулася з грамадскім асуджэннем, а выпадкі, калі прадавец спрабуе аспрэчыць здзелку, заяўляючы, што стаў ахвярай махляроў, пачалі называць «эфектам Долінай».
16 снежня Вярхоўны суд прыняў рашэнне на карысць пакупніцы кватэры Паліны Лур'е і пастанавіў разгледзець пытанне аб высяленні спявачкі.
Раней адвакат Лур'е Святлана Свірыдзенка расказала, што Доліна папрасіла дазволіць ёй застацца ў кватэры да 1 сакавіка наступнага года, але яе кліентка адмовіла.
Суд абавязаў яе выселіцца да 13 студзеня.
Як выглядае знакамітая кватэра Долінай, праз якую спявачку зненавідзелі ў Расіі
«Мы пад уплывам яе прадавалі». «Бела-Кола» ўварвалася ў скандал з кватэрай Долінай
У Расіі з-за «эфекту Долінай» 3000 сем'яў засталіся без жылля. Ці варта баяцца беларусам?
Спявачка Ларыса Доліна расказала, што нават пазычала грошы, каб аддаць іх махлярам. Усяго з яе выцягнулі каля 4 мільёнаў даляраў
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары