Трамп частаваў украінскую дэлегацыю падчас перамоў тортам, названым у свой гонар
Перамовы паміж прэзідэнтамі Украіны і ЗША ў прыватнай рэзідэнцыі Дональда Трампа Мар-а-Лага ў Фларыдзе пачаліся з абеду, падчас якога амерыканскі бок прапанаваў гасцям традыцыйныя стравы нацыянальнай кухні. Пра гэта піша выданне «Еўрапейская праўда».
Паколькі паводле дыпламатычнага пратаколу меню гатуе прыймовы бок, на стале былі курыны булён, стэйкі з бульбай фры, а таксама фірмовы дэсерт.
Асаблівую ўвагу прыцягнуў шакаладны торт з назвай «Трамп», кавалак якога атрымаў кожны ўдзельнік сустрэчы.
Як адзначаюць журналісты, торт з такой назвай ужо раней з’яўляўся ў медыях, аднак гэтым разам ён меў іншую форму: дэсерт складаўся з меншай колькасці слаёў, затое быў упрыгожаны залатым топінгам.
Брытанскае выданне The Telegraph падкрэслівае, што гэта не першы выпадак, калі Дональд Трамп частуе замежных гасцей стравамі, названымі ў яго гонар. У меню Мар-а-Лага ёсць і іншыя пазіцыі з такой жа назвай, напрыклад «салата з кубікамі Трампа».
Падчас сустрэчы Зяленскі і Трамп плануюць абмеркаваць паслядоўнасць рэалізацыі пунктаў мірнай дамовы. Пасля размовы з украінскім лідарам Трамп мае намер патэлефанаваць Уладзіміру Пуціну, а пазней у нядзелю адбудзецца і сумесны з Зяленскім званок еўрапейскім кіраўнікам.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары