Tramp častavaŭ ukrainskuju delehacyju padčas pieramoŭ tortam, nazvanym u svoj honar
Pieramovy pamiž prezidentami Ukrainy i ZŠA ŭ pryvatnaj rezidencyi Donalda Trampa Mar-a-Łaha ŭ Fłarydzie pačalisia z abiedu, padčas jakoha amierykanski bok prapanavaŭ haściam tradycyjnyja stravy nacyjanalnaj kuchni. Pra heta piša vydańnie «Jeŭrapiejskaja praŭda».
Pakolki pavodle dypłamatyčnaha pratakołu mieniu hatuje pryjmovy bok, na stale byli kuryny bulon, stejki z bulbaj fry, a taksama firmovy desiert.
Asablivuju ŭvahu pryciahnuŭ šakaładny tort z nazvaj «Tramp», kavałak jakoha atrymaŭ kožny ŭdzielnik sustrečy.
Jak adznačajuć žurnalisty, tort z takoj nazvaj užo raniej źjaŭlaŭsia ŭ miedyjach, adnak hetym razam jon mieŭ inšuju formu: desiert składaŭsia ź mienšaj kolkaści słajoŭ, zatoje byŭ upryhožany załatym topinham.
Brytanskaje vydańnie The Telegraph padkreślivaje, što heta nie pieršy vypadak, kali Donald Tramp častuje zamiežnych haściej stravami, nazvanymi ŭ jaho honar. U mieniu Mar-a-Łaha jość i inšyja pazicyi z takoj ža nazvaj, naprykład «sałata z kubikami Trampa».
Padčas sustrečy Zialenski i Tramp płanujuć abmierkavać paśladoŭnaść realizacyi punktaŭ mirnaj damovy. Paśla razmovy z ukrainskim lidaram Tramp maje namier patelefanavać Uładzimiru Pucinu, a paźniej u niadzielu adbudziecca i sumiesny ź Zialenskim zvanok jeŭrapiejskim kiraŭnikam.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary