Заснежаныя вёскі, песні, народная набожнасць. Ксёндз з Дзятлава ходзіць у сваёй парафіі «па Калядзе»
Пробашч касцёла Унебаўзяцця Найсвяцейшай Панны Марыі ў Дзятлаве ксёндз Андрэй Лішко на старонцы парафіі ў Instagram адкрыў рубрыку «Ходзіць ксёндз па Калядзе», у якой выкладае фота і відэа з наведвання вернікаў — у асноўным пажылых людзей — у вёсках, піша Katolik.life.
Святар публікуе свае сэлфі з парафіянамі і паказвае хатнія алтарыкі, якія адлюстроўваюць народную набожнасць. Такія куткі з абразамі ў дамах сваіх бабуль памятаюць многія.
Таксама ксёндз дзеліцца фота з мясцовымі краявідамі і відэа з песнямі.
Падчас візітаў ксёндз Андрэй Лішко спявае разам з бабулямі не толькі звыклыя ім польскія калядкі, але і беларускія народныя і эстрадныя песні, добра ведаючы іх тэкст.
Душэўныя допісы святара выклікаюць эмацыйныя каментары:
«Ведаеце, што самае цёплае і роднае ў гэтых малюнках? Гэта душэўнае зліццё з чалавекам, вось так — шчака да шчакі, у размовах, у песнях, у душэўнай адкрытасці».
«Дарагія бабулі, вы — нашы маякі аптымізму, жыццялюбства, крыніцы невычэрпнай энергіі. Прыклад таго, як любіць жыццё, спяваць сэрцам і несці святло, нягледзячы на ўсе жыццёвыя нягоды. Дзякуй за вашыя цёплыя вочы, за вашу мудрасць, дабрыню і веру ў лепшае».
Што адбываецца з вызваленымі каталіцкімі святарамі і чаму яны маўчаць
Малады ксёндз беларусізаваў парафію на радзіме Францішка Багушэвіча
«У будні — 2‑7 чалавек». Ксяндза з Мінска адправілі служыць у Магілёў, і ён не хавае свайго расчаравання
Сярод беларускіх каталікоў пашырае ўплыў «Альфа». Чаму не ўсім гэта даспадобы?
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары