Дональд Трамп плануе значна пашырыць паўнамоцтвы так званай Рады міру, якую першапачаткова прапаноўвалася стварыць для аднаўлення сектара Газа. Цяпер, паводле звестак амерыканскіх чыноўнікаў, гэты орган павінен стаць глабальным і фактычна замяніць сабой Раду бяспекі ААН. Пра гэта Трамп мае намер абвясціць на Сусветным эканамічным форуме ў Давосе, дзе чакаецца самая прадстаўнічая дэлегацыя ЗША за ўсю гісторыю мерапрыемства, піша Axios са спасылкай на высокапастаўленага амерыканскага чыноўніка.
Запланавана, што ў чацвер адбудзецца афіцыйнае абвяшчэнне Рады міру і падпісанне яе статута. Згодна з дакументам, кіраўніком новай структуры стане сам Трамп, і толькі ён будзе мець права вета на ўсе рашэнні. Такі фармат выклікаў незадаволенасць у Еўропе: там падкрэсліваюць, што падчас папярэдніх дамоўленасцяў, у тым ліку на сустрэчы ў Шарм-эль-Шэйху пасля спынення вайны ў Газе, пра такі орган гаворка не ішла.
Як адзначаюць дарадцы Трампа, яго ўпэўненасць у сілавой палітыцы ўзмацнілася пасля паспяховай аперацыі супраць венесуэльскага лідара Нікаласа Мадура. Пры гэтым у Белым доме сцвярджаюць, што прэзідэнт не імкнецца да сусветнага панавання: галоўным прыярытэтам для яго застаюцца інтарэсы ЗША, якія, на яго думку, усё адно застаюцца вядучай дзяржавай свету.
У статуце Рады міру гаворыцца пра стварэнне гнуткага і эфектыўнага міжнароднага механізму для ўрэгулявання канфліктаў, без згадвання ААН ці Газы. Дакумент заклікае фармаваць кааліцыю краін, гатовых да практычных і хуткіх дзеянняў, і крытыкуе наяўныя падыходы, якія, на думку аўтараў, толькі замацоўваюць крызіс, а не вырашаюць яго.
Шэраг краін ужо адмовіўся далучыцца да ініцыятывы. Францыя заявіла, што не будзе ўдзельнічаць у Радзе, дзе пастаянныя члены павінны ўнесці па мільярдзе даляраў. Паводле СМІ, Вялікабрытанія, Германія, Нідэрланды, Швецыя і Канада таксама не плануюць далучацца і будуць ігнараваць цырымонію падпісання. Негатыўна да ідэі паставіўся і Ізраіль. У той жа час гатоўнасць удзельнічаць выказалі Аргенціна, Марока, Катар і Інданезія. Усяго Трамп запрасіў у Раду 58 лідараў дзяржаў.
На фоне спрэчак паміж ЗША і Еўропай вакол Грэнландыі і ініцыятывы з Радай міру ўкраінская тэматыка на Давоскім форуме, імаверна, адыдзе на другі план. Украінскі бок паведаміў, што падпісанне плана аднаўлення і эканамічнага развіцця Украіны было адкладзена. У Вашынгтоне гэта тлумачаць тым, што дакумент яшчэ патрабуе дапрацоўкі, і істотных прарываў пакуль не чакаецца, хаця сустрэчы Трампа з Уладзімірам Зяленскім і еўрапейскімі лідарамі ўсё ж запланаваныя.
Паводле слоў украінскіх чыноўнікаў, еўрапейскім дэлегацыям у апошні момант давялося пераглядаць сваю пазіцыю і рыхтавацца да абмеркавання ўжо не Украіны, а пытанняў, звязаных з Грэнландыяй.
Трамп адмяніў падпісанне ў Давосе падпісанне пагаднення аб паваенным аднаўленні Украіны на 800 мільярдаў даляраў
Зяленскі пракаментаваў запрашэнне Украіны ў Раду міру разам з Беларуссю і Расіяй
Трамп запрасіў у Раду па Газе 50 краін, у тым ліку Расію, Украіну, Кітай, Польшчу і Беларусь
Макрон адхіліць запрашэнне Трампа ўвайсці ў склад Рады міру
Джон Коўл: У канчатковым выніку мэта весці бізнэс з Беларуссю, вярнуць яе ў міжнародную супольнасць
Цяпер чытаюць
Як у галечы співалася радня Лукашэнкі? Малавядомыя факты29
Каментары
Аминь !