Агенцтва Bloomberg паведамляе, што прэзідэнт Францыі Эманюэль Макрон мае намер адмовіцца ад прапановы прэзідэнта ЗША Дональда Трампа далучыцца да стваранай ім Рады міру. Паводле звестак агенцтва, якое спасылаецца на крыніцу, блізкую да французскага лідара, Макрон не збіраецца прымаць гэтае запрашэнне для Францыі.
Прэзідэнт Францыі лічыць, што прапанаваны статут новай структуры выходзіць далёка за рамкі ўрэгулявання сітуацыі вакол сектара Газа і выклікае сур’ёзныя сумневы адносна захавання прынцыпаў і ролі Арганізацыі Аб’яднаных Нацый.
Раней у СМІ з’явіўся праект статута Рады міру. Згодна з ім, Дональд Трамп плануе патрабаваць па адным мільярдзе даляраў ад краін, якія захочуць стаць пастаяннымі членамі арганізацыі, а таксама пакідае за сабой вырашальнае слова пры прыняцці ўсіх рашэнняў.
Трамп ужо накіраваў запрашэнні шэрагу еўрапейскіх дзяржаў, Канадзе, а таксама Пуціну і Лукашэнку. У Польшчы ўрад папярэдзіў прэзідэнта Караля Наўроцкага, што ўдзел у такой арганізацыі магчымы толькі пасля згоды ўрада і парламента.
Трамп запрасіў Лукашэнку ўвайсці ў Раду міру па Газе
Трамп запрасіў Пуціна ў Раду міру
Трамп патрабуе па мільярдзе долараў ад краін за пастаяннае членства ў Радзе міру, якую ён стварае. Старшынёй будзе ён сам
Блэр і Рубіа — сярод удзельнікаў «Рады міру» для Газы
Адміністрацыя Трампа разважае над стварэннем «Рады міру» для Украіны па прыкладзе Газы
23‑гадовы рэпер з Астраўца загінуў за Расію на вайне. Паваяваў ён, відаць, каля месяца17
Каментары