Украінскія хакеры высветлілі, як аператары расійскіх дронаў выкарыстоўваюць Беларусь
18 лютага 2026 года прэзідэнт Украіны Уладзімір Зяленскі абвясціў пра санкцыі супраць Аляксандра Лукашэнкі, абвінаваціўшы яго ў садзейнічанні Расіі ў працягванні вайны. Сярод прычын — размяшчэнне ў другой палове 2025 года на беларускай тэрыторыі сістэмы рэтранслятараў для кіравання дронамі, што дазволіла расійскай арміі больш эфектыўна наносіць удары па паўночных абласцях Украіны. Тое, што расійскія аператары ўдарных дронаў выкарыстоўваюць тэрыторыю Беларусі для ўзмацнення атак супраць Украіны, высветлілі ўкраінскія хакеры, піша InformNapalm.
Накладзеныя Зяленскім санкцыі сталі вынікам працяглай кібераперацыі, якую праводзіў украінскі аналітычны кіберцэнтр Fenix пры падтрымцы валанцёраў міжнароднай супольнасці InformNapalm.
Хакеры ўзламалі акаўнты дзясяткаў расійскіх вайскоўцаў і атрымалі доступ да сістэм маніторынгу, якімі карысталіся аператары дронаў. На працягу больш як шасці месяцаў яны патаемна назіралі за дзеяннямі праціўніка і перадавалі інфармацыю Сілам абароны Украіны, што дапамагала лепш супрацьдзейнічаць атакам і збіраць разведданыя пра маршруты палётаў.
Падчас аналізу перахопленых паведамленняў высветлілася, што Расія выкарыстоўвала беларускую цывільную інфраструктуру, у тым ліку вежы мабільнай сувязі, для пракладкі маршрутаў дронаў. Гэта забяспечвала ўстойлівую сувязь і дазваляла атакаваць цэлі на поўначы і захадзе Украіны. Часам дроны заляталі нават на тэрыторыю краін НАТА, і гэта, паводле аналітыкаў, было не выпадковасцю, а часткай тэставання новай тактыкі.
Украінскія спецыялісты не маглі кіраваць дронамі, але мелі магчымасць бачыць дзеянні аператараў і своечасова перадаваць інфармацыю. За час аперацыі былі нанесеныя ўдары па расійскіх камандных пунктах і месцах запуску дронаў, а таксама сарваныя асобныя планы праціўніка.
Разам з тым гэты досвед паказаў, што кіберпрастора стала паўнавартасным фронтам вайны. Ва Украіне ўжо некалькі гадоў абмяркоўваецца стварэнне Кіберсілаў, але заканадаўчае афармленне гэтага пытання зацягваецца. Эксперты падкрэсліваюць, што легалізацыя і сістэмная каардынацыя кіберпадраздзяленняў дазволіла б маштабна развіваць падобныя аперацыі і ўзмацніць абарону краіны.
Шасцімесячная кіберкампанія, якая раскрыла выкарыстанне беларускай інфраструктуры для расійскіх атак і тэставанне маршрутаў у бок краін НАТА, стала доказам таго, што вайна ў кіберпрасторы мае стратэгічнае значэнне і патрабуе не толькі прафесіяналаў, але і выразных дзяржаўных рашэнняў.
Зяленскі ўвёў санкцыі супраць Лукашэнкі
«Беларусь нельга страчваць для Еўропы, але гэту асобу страціць дакладна варта». Зяленскі патлумачыў, чаму ўвёў санкцыі супраць Лукашэнкі
Чаму Украіна ідзе на абвастрэнне адносін з Лукашэнкам? Запыталі ў Ігара Кізіма
Ціханоўская вітала ўвядзенне Зяленскім санкцый супраць Лукашэнкі
Цяпер чытаюць
Маўрыкій, Сейшэлы, Шры-Ланка і не толькі: паглядзелі, куды збеглі ад беларускіх маразоў праўладныя артысты і вядучыя13
Каментары
"[Станам на верасень 2025 года] Расія выкарыстоўвала беларускую цывільную інфраструктуру, у тым ліку вежы мабільнай сувязі, для пракладкі маршрутаў дронаў."
Гэта пра адное і тое ж размова або пра рознае?
Бо выкарыстанне ўжо існуючай цывільнай сістэмы гэта адно, а разгортванне новай спецыялізаванай - другое.
У арыгінальным артыкуле двухсэнсоўна.
Что так гумно, что так нас...но.