Пра амерыканцаў Аляксандр Лукашэнка згадаў 8 сакавіка падчас наведвання рэстарацыі сеткі «Мак.бай», якая знаходзіцца ў Першым нацыянальным гандлёвым доме ў Мінску.
Падчас гэтага візіту Лукашэнка нагадаў, што пасля адыходу сеткі «Макдональдс» з Беларусі было даручана стварыць айчынны аналаг, які не будзе горшы за амерыканскую сетку. У выніку ўстанова змяніла назву, а для падрыхтоўкі страў пачалі выкарыстоўваць беларускія прадукты.
«А цяпер няхай амерыканцы прыйдуць і паглядзяць. Прыедуць да мяне — абавязкова прывядзі іх сюды, — звярнуўся Лукашэнка да першага віцэ-прэм’ера Мікалая Снапкова. — Скажы: пойдзем у «Макдональдс». Беларусы працуюць, беларускае абсталяванне, беларускі прадукт».
Ранейшыя візіты ў Мінск высокапастаўленых амерыканскіх прадстаўнікоў суправаджаліся вызваленнем з турмаў і калоній дзясяткаў палітзняволеных — праўда, з адначасовым прымусовым іх выдварэннем з тэрыторыі Беларусі.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
Каментары