Такую прапанову Лукашэнка выказаў падчас наведвання рэстарана «Мак.бай» у Мінску.
Падчас дэманстрацыі Лукашэнку працы апарата самаабслугоўвання ў рэстарацыі сеткі «Мак.бай» у Мінску дырэктарка сеткі Вікторыя Данько стала дзеля прыкладу заказваць праз яго каву амерыкана для першага віцэ-прэм'ера Мікалая Снапкова.
Лукашэнка, пачуўшы назву амерыкана, адрэагаваў нечакана:
«Амерыкана трэба перайменаваць у беларускі брэнд. У дужках пакуль пішы «амерыкана», а калі звыкнуць, тады…»
Магчыма, гэта быў толькі жарт, хоць гаварыў пра гэта палітык без ценю ўсмешкі на твары. Але ў кожным разе ранейшая практыка сведчыць, што падобныя ягоныя выказванні звычайна ўспрымаюцца як загад і маюць наступствы.
Так, у лістападзе 2024 года, наведваючы Мінскі дзяржаўны лінгвістычны ўніверсітэта, Лукашэнка ўспомніў, што раней гэту ВНУ называлі «інязам», а цяперашнюю назву акрэсліў як «мацерную». Са жніўня 2025 года МДЛУ афіцыйна стаў насіць назву, больш блізкую да савецкай — Беларускі дзяржаўны ўніверсітэт замежных моў.
Яшчэ раней таксама «мацернай» Лукашэнку падалася назва аднаго з факультэтаў Віцебскага дзяржаўнага ўніверсітэта імя Машэрава — гуманітарыстыкі і моўных камунікацый. Ужо праз тры тыдні гэта назва стала гучаць крыху інакш — факультэт гуманітарных ведаў і камунікацый.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае14
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары