У Лепельскім раёне жывёльны могільнік абсталявалі на радасць лісам
Пракуратура Лепельскага раёна падчас праверкі знайшла парушэнні ветэрынарна-санітарных правіл на жывёльным могільніку аднаго з сельскагаспадарчых прадпрыемстваў раёна, паведамляе прэс-служба Генеральнай пракуратуры.
Паводле заканадаўства, арганізацыі павінны належным чынам утылізаваць і захоўваць прадукты жывёльнага паходжання, якія не адпавядаюць ветэрынарна-санітарным патрабаванням. Аднак праверка паказала, што на прадпрыемстве правілы не выконваліся. Загінулых жывёл хавалі проста на тэрыторыі жывёльнага могільніка, а не ў спецыяльна абсталяванай біятэрмічнай яме.
Акрамя таго, аб’ект не быў належным чынам агароджаны, таму дзікія жывёлы мелі доступ да біялагічных адходаў. На тэрыторыі могільніка нават заўважылі лісу, якая ласавалася незакапанымі парэшткамі жывёл. Гэта магло ствараць пагрозу распаўсюджвання інфекцыйных хвароб на жывёлагадоўчых комплексах.
Таксама было ўстаноўлена, што біятэрмічная яма не мела замка, а на ўязных варотах не было інфармацыі пра адказную асобу і кантактныя даныя.
Па выніках праверкі пракуратура вынесла прадпісанне кіраўніку арганізацыі ліквідаваць знойдзеныя парушэнні. У дачыненні да адказнай асобы распачалі дысцыплінарную справу.
«Грыша жыве тут, будзе яму кампанія». Сям'я з Бабруйска прытуліла на падворку пяць лебедзяў, якія трапілі ў бяду
Як улады Мінска зразумеюць, у каго жывуць незарэгістраваныя сабакі? Разлік на неабыякавых суседзяў
У Беларусі хочуць стварыць агульную базу хатніх жывёл
«Выжыла толькі котка». Абгарэлая, яна прасядзела 12 гадзін на лесвіцы пасля пажару ў кватэры ў Маладзечне, дзе загінулі тры чалавекі
У міліцэйскім конкурсе прыгажосці перамагла амапаўка, якая ў 2020 годе разганяла пратэсты49
Каментары