Міністр энергетыкі ЗША Крыс Райт у эфіры тэлеканала CNN заявіў, што чуткі пра магчымую адмену санкцый з расійскай нафты на фоне крызісу ў Персідскім заліве не адпавядаюць рэчаіснасці.
«Расія не атрымлівае змякчэння санкцый. Уся нафта знаходзіцца на суднах і чакае чаргі на разгрузку ў Кітаі. Гэта проста мера, каб паскорыць паступленне на перапрацоўчыя заводы — яна накіруецца на НПЗ Індыі замест кітайскіх», — сказаў Крыс Райт.
Міністр таксама адзначыў, што ЗША выкарыстоўваюць падобныя прагматычныя меры, каб пераадолець некалькі тыдняў напружанасці ў энергазабеспячэнні, і адміністрацыя арыентуецца на вынік.
Ён не падтрымаў прагнозы аб магчымым росце кошту нафты да 200 даляраў за бараль з-за перакрыцця Армузскага праліва.
Райт дадаў, што ў будучыні ЗША таксама могуць адмовіцца ад паставак узбагачанага ўрану з Расіі.
Раней ЗША далі Індыі часовы дазвол на закупку расійскай нафты: на працягу месяца Нью-Дэлі можа набываць сыравіну, якая ўжо загружаная ў танкеры.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары
Цікавая заява.