АНТ запускае інтэлектуальнае шоу — гэта калька сусветнага хіта
АНТ набірае ўдзельнікаў. А пераможцу абяцаюць узнагароду 10 тысяч рублёў.
На рэсурсах канала АНТ з'явілася аб'ява пра хуткую прэм’еру — інтэлектуальнае шоу «Адзін на адзін». Гэта гульня з 49 удзельнікамі, кожны з якіх займае сваю ячэйку на полі і з’яўляецца экспертам у нейкай сферы: напрыклад, шмат ведае пра сучасную музыку, гатункі віна ці авіяцыю.
Паводле правілаў шоу, гульцы мусяць кідаць адно аднаму выклік і адказваць на простыя пытанні. Пераможца такой міні-дуэлі забірае сабе ячэйку суперніка, а той, хто выцісне ўсіх супернікаў з поля, атрымае 10 тысяч рублёў. Таксама на полі будуць сакрэтныя зоны з дадатковымі прызамі.
Цяпер АНТ чакае заяўкі ад патэнцыйных удзельнікаў шоу.
«Адзін на адзін» — клон папулярнага галандскага праекта The Floor, вось толькі памер поля зменены: калі ў АНТ на полі будзе 49 ячэек (квадрат 7×7), то ў галандцаў была 81 ячэйка (9×9). Такім чынам АНТ адаптуе фармат пад меншую па памеры студыю або проста робіць змены, каб пазбегнуць абвінавачванняў у сляпым капіраванні.
The Floor упершыню выйшла ў Нідэрландах у 2023 годзе і хутка разляцелася па свеце. Фармат шоу прадалі ў дзясяткі краін — ад Аргентыны і Аўстраліі да Польшчы і Латвіі. Асабліва папулярным шоу атрымалася ў ЗША: тамтэйшыя пераможцы могуць выйграць 250 тысяч даляраў.
«Наша Нiва» — бастыён беларушчыны
ПАДТРЫМАЦЬЦяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў5
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары