ANT zapuskaje intelektualnaje šou — heta kalka suśvietnaha chita
ANT nabiraje ŭdzielnikaŭ. A pieramožcu abiacajuć uznaharodu 10 tysiač rubloŭ.
Na resursach kanała ANT źjaviłasia abjava pra chutkuju premjeru — intelektualnaje šou «Adzin na adzin». Heta hulnia z 49 udzielnikami, kožny ź jakich zajmaje svaju jačejku na poli i źjaŭlajecca ekśpiertam u niejkaj śfiery: naprykład, šmat viedaje pra sučasnuju muzyku, hatunki vina ci avijacyju.
Pavodle praviłaŭ šou, hulcy musiać kidać adno adnamu vyklik i adkazvać na prostyja pytańni. Pieramožca takoj mini-dueli zabiraje sabie jačejku supiernika, a toj, chto vyciśnie ŭsich supiernikaŭ z pola, atrymaje 10 tysiač rubloŭ. Taksama na poli buduć sakretnyja zony z dadatkovymi pryzami.
Ciapier ANT čakaje zajaŭki ad patencyjnych udzielnikaŭ šou.
«Adzin na adzin» — kłon papularnaha hałandskaha prajekta The Floor, voś tolki pamier pola źmienieny: kali ŭ ANT na poli budzie 49 jačejek (kvadrat 7×7), to ŭ hałandcaŭ była 81 jačejka (9×9). Takim čynam ANT adaptuje farmat pad mienšuju pa pamiery studyju abo prosta robić źmieny, kab paźbiehnuć abvinavačvańniaŭ u ślapym kapiravańni.
The Floor upieršyniu vyjšła ŭ Niderłandach u 2023 hodzie i chutka raźlaciełasia pa śviecie. Farmat šou pradali ŭ dziasiatki krain — ad Arhientyny i Aŭstralii da Polščy i Łatvii. Asabliva papularnym šou atrymałasia ŭ ZŠA: tamtejšyja pieramožcy mohuć vyjhrać 250 tysiač dalaraŭ.
«Naša Niva» — bastyjon biełaruščyny
PADTRYMAĆ
Kamientary