Федэральны канцлер Германіі Фрыдрых Мерц рэзка раскрытыкаваў прэзідэнта ЗША Дональда Трампа за яго дзеянні ў вайне з Іранам. Пра гэта ён заявіў 27 сакавіка, паведамляе Tagesschau.
Мерц лічыць, што тое, што зараз робіць Трамп — гэта не дээскалацыя і не спроба дасягнуць мірнага вырашэння, а «маштабная эскалацыя з нявызначаным вынікам».
«Гэта эскалацыі, якія ўжо ўяўляюць пагрозу. Не толькі для тых, каго гэта непасрэдна тычыцца, а для ўсіх нас», — падкрэсліў ён.
Таксама нямецкі канцлер выказаў сумневы наконт магчымасці звяржэння іранскага рэжыму.
«Ці сапраўды мэтай з’яўляецца змена рэжыму? Калі гэта мэта, я не веру, што яны яе дасягнуць. Такія спробы ў большасці сваёй заканчваліся няўдачай», — дадаў Мерц.
Таксама ён выказаў сумнеў адносна таго, што вайна ЗША і Ізраіля супраць Ірана блізкая да свайго завяршэння.
Раней прэзідэнт ЗША Дональд Трамп раскрытыкаваў Мерца за заявы пра тое, што Берлін не лічыць сваёй справай вайну ЗША з Іранам. Амерыканскі лідар адказаў яму, што тады «Украіна — гэта не наша вайна».
Трамп: Калі для Еўропы вайна ў Іране — не іх вайна, то і вайна ва Украіне — не наша
Чаму Мерц так стрымана рэагуе на Трампаў замах на Грэнландыю? Бо Германія найбольш залежная ад ЗША
Мерц: Еўропа павінна навучыцца гаварыць мовай сілы
Мерц: Расія загразла ў страшным варварстве, і гэта не зменіцца
Мерц рэзка раскрытыкаваў рашэнне ЗША змякчыць санкцыі супраць расійскай нафты
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне65
Каментары
А теперь умудрился заиметь плохие отношения со всеми супердержавами: с Россией понятно, с Китаем оскандалился, его не хотели у себя видеть, а теперь еще и с Америкой конфликт.