Памёр амерыканскі акцёр Джэймс Толкан, вядомы па ролях у фільмах «Назад у будучыню» і «Топ Ган». Яму было 94 гады. Толкан пайшоў з жыцця 26 сакавіка ў горадзе Саранак-Лэйк у штаце Нью-Ёрк.
Нарадзіўся акцёр у 1931 годзе ў штаце Мічыган, служыў у ВМС ЗША, пасля чаго вывучаў акцёрскае майстэрства ў Нью-Ёрку.
Найбольш Джэймс Толкан запомніўся гледачам як строгі дырэктар школы містэр Стрыкленд у трылогіі «Назад у будучыню» (1985). У гэтых фільмах ягоны герой пастаянна называў вучняў «гультаямі». У трэцяй частцы акцёр сыграў яшчэ і дзеда свайго персанажа.
У «Топ Ган» (1986) ён выканаў ролю строгага камандзіра, які крытыкуе героя Тома Круза за небяспечныя паводзіны.
Увогуле за сваю кар’еру Толкан сыграў дзясяткі роляў у кіно і на тэлебачанні, часта ўвасабляючы строгіх і ўладных персанажаў. Ён таксама здымаўся ў фільмах рэжысёраў Вудзі Алена («Каханне і смерць») і Сідні Люмета («Серпіка», «Прынц горада» і «Сямейны бізнэс»).
Сям’я Толкана пасля ягонай смерці папрасіла ў памяць пра яго ахвяраваць сродкі ў прытулкі для жывёл або арганізацыі па іх абароне.
Цяпер чытаюць
Сёстры Груздзевы цяпер важаць пад 100 кілаграмаў кожная19
Сёстры Груздзевы цяпер важаць пад 100 кілаграмаў кожная
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары