У Беларусі афіцыйна акрэдытавалі вайсковага дыпламата з Францыі, паведамляе БелТА. Гаворка ідзе пра брыгаднага генерала Жэрома Малара, які стаў аташэ па пытаннях абароны пры пасольстве Францыі ў Беларусі (пры гэтым яго асноўная рэзідэнцыя знаходзіцца ў Маскве).
З гэтай нагоды ў Міністэрстве абароны Беларусі адбылася сустрэча ў Дэпартаменце міжнароднага вайсковага супрацоўніцтва. Падчас размовы, як паведамляецца, бакі абмеркавалі шэраг важных пытанняў, у тым ліку сітуацыю ў сферы міжнароднай бяспекі і агульную ваенна-палітычную абстаноўку ва Усходняй Еўропе.
Беларускі бок таксама даў сваю ацэнку цяперашняму стану адносін з Францыяй у вайсковай сферы і расказаў, як бачыць далейшае супрацоўніцтва. Французскі прадстаўнік, у сваю чаргу, адзначыў, што задаволены гатоўнасцю беларускага боку да дыялогу і адкрытасцю ў абмеркаванні пытанняў.
На сёння пры Міністэрстве абароны Беларусі акрэдытаваныя вайсковыя прадстаўнікі каля дзесяці краін — членаў НАТА, а таксама Швейцарыі.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары
Самае прыкрае, што за шэсць год з таго часу нічога прынцыпова не змянілася.