Паводле інфармацыі французскага выдання RFI, Украіна наладзіла супрацоўніцтва з міжнародна прызнаным урадам Лівіі ў Трыпалі і размясціла там сваіх вайсковых спецыялістаў. Гэта дазваляе ёй уплываць на сітуацыю ў Міжземным моры і ствараць пагрозу расійскім караблям, якія рухаюцца ў бок Суэцкага канала.
Паведамляецца, што ў Лівіі знаходзяцца больш за 200 украінскіх вайскоўцаў і экспертаў. Яны працуюць на трох асноўных аб’ектах. Адзін з іх — авіябаза ў Місраце, дзе таксама прысутнічаюць сілы іншых краін. Другі аб’ект размешчаны каля Меліты — там створана база для запуску паветраных і марскіх беспілотнікаў. Трэці пункт выкарыстоўваецца для каардынацыі сумеснай працы ўкраінскіх спецыялістаў з заходнелівійскімі вайскоўцамі каля аэрапорта Трыпалі.
Такое супрацоўніцтва стала магчымым пасля пагаднення, падпісанага ў кастрычніку 2025 года. У яго межах Украіна дапамагае рыхтаваць лівійскіх вайскоўцаў і пастаўляе беспілотныя сістэмы.
Крыніцы французскага выдання сцвярджаюць, што ўжо адбыліся дзве атакі на расійскія судны ў Міжземным моры. Месяц таму, у пачатку сакавіка быў пашкоджаны газавоз, які перавозіў звадкаваны газ, а яшчэ раней, у снежні 2025 года — танкер. У абодвух выпадках выкарыстоўваліся марскія беспілотнікі, запушчаныя з тэрыторыі Лівіі.
Раней Расія абвінавачвала ўлады ў Трыпалі ў падтрымцы ўкраінскага боку і супрацоўніцтве з заходнімі спецслужбамі. У самой Лівіі таксама ёсць занепакоенасць ростам замежнай вайсковай прысутнасці, бо некаторыя палітыкі лічаць гэта пагрозай суверэнітэту краіны і магчымай прычынай новага геапалітычнага канфлікту.
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары