У Нацбанку назвалі тры самыя паспяховыя махлярскія схемы ў Беларусі
Самай небяспечнай махлярскай схемай у Беларусі па аб'ёме фінансавых страт, нанесеных грамадзянам, з'яўляецца «дэклараванне грашовых сродкаў і ўдзел у спецаперацыі». На яе прыпадае 53% ад агульнай сумы стратаў у 2025 годзе, або каля 29 мільёнаў рублёў. Пра гэта ў свежым выпуску «Банкаўскага весніка» расказаў намеснік старшыні праўлення Нацбанка Андрэй Картун, піша Office Life.
Як правіла, у гэтым выпадку махляры прадстаўляюцца супрацоўнікамі сілавых структур і гавораць, што ў дачыненні да чалавека праводзіцца праверка з-за ўдзелу ў падазроных аперацыях. Яму пагражаюць ператрусам і патрабуюць «задэклараваць» усе наяўныя грошы, змясціўшы іх на «бяспечны» рахунак.
На другім месцы па суме нанесеных страт (22%, або амаль 12 мільёнаў рублёў) — «інвеставанне». У гэтым выпадку ахвяры прапануюць выгадна ўкласціся ў акцыі беларускіх і замежных кампаній або крыптавалюту.
Замыкае топ-3 самая простая схема — продаж няісных тавараў і паслуг (17% ад сумы стратаў, або больш за 9 мільёнаў рублёў). Прыкмета такога махлярства — значна ніжэйшыя цэны, чым у сярэднім па рынку.
Паводле даных Нацбанка, 32% сродкаў, якія ўдалося выцягнуць з грамадзян, зламыснікі выводзяць «безналам» за мяжу, 28% — праз крыптавалютныя пляцоўкі і казіно, 21,5% — пераводзяць у наяўныя ў Беларусі і за мяжой, а 12,7% — трацяць на тавары і паслугі ўнутры краіны.
Раней у Банкаўскім працэсінгавым цэнтры расказалі, што ў 2025 годзе колькасць паспяховых махлярскіх аперацый у Беларусі вырасла на 27%. Сярэдняя ж сума стратаў павялічылася з $82 да $385.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
дык мо адзін з гэтых махляроў і ёсць нацбанк? мяркуючы па тым, які дом магла дазволіць сабе былая старшыня нацбанка - https://nashaniva.com/393418
а толькі КАЖУЦЬ, ШТО
----
Фёдор, "гаварыць" - гэта ---ў асноўным---- калі НЕ маецца на ўвазе суразмоўца, ці гэта не ёсць галоўнае у сказаным. do U C ? )