U Nacbanku nazvali try samyja paśpiachovyja machlarskija schiemy ŭ Biełarusi
Samaj niebiaśpiečnaj machlarskaj schiemaj u Biełarusi pa abjomie finansavych strat, naniesienych hramadzianam, źjaŭlajecca «dekłaravańnie hrašovych srodkaŭ i ŭdzieł u śpiecapieracyi». Na jaje prypadaje 53% ad ahulnaj sumy strataŭ u 2025 hodzie, abo kala 29 miljonaŭ rubloŭ. Pra heta ŭ śviežym vypusku «Bankaŭskaha vieśnika» raskazaŭ namieśnik staršyni praŭleńnia Nacbanka Andrej Kartun, piša Office Life.
Jak praviła, u hetym vypadku machlary pradstaŭlajucca supracoŭnikami siłavych struktur i havorać, što ŭ dačynieńni da čałavieka pravodzicca pravierka z-za ŭdziełu ŭ padazronych apieracyjach. Jamu pahražajuć pieratrusam i patrabujuć «zadekłaravać» usie najaŭnyja hrošy, źmiaściŭšy ich na «biaśpiečny» rachunak.
Na druhim miescy pa sumie naniesienych strat (22%, abo amal 12 miljonaŭ rubloŭ) — «inviestavańnie». U hetym vypadku achviary prapanujuć vyhadna ŭkłaścisia ŭ akcyi biełaruskich i zamiežnych kampanij abo kryptavalutu.
Zamykaje top-3 samaja prostaja schiema — prodaž niaisnych tavaraŭ i pasłuh (17% ad sumy strataŭ, abo bolš za 9 miljonaŭ rubloŭ). Prykmieta takoha machlarstva — značna nižejšyja ceny, čym u siarednim pa rynku.
Pavodle danych Nacbanka, 32% srodkaŭ, jakija ŭdałosia vyciahnuć z hramadzian, złamyśniki vyvodziać «bieznałam» za miažu, 28% — praz kryptavalutnyja placoŭki i kazino, 21,5% — pieravodziać u najaŭnyja ŭ Biełarusi i za miažoj, a 12,7% — traciać na tavary i pasłuhi ŭnutry krainy.
Raniej u Bankaŭskim pracesinhavym centry raskazali, što ŭ 2025 hodzie kolkaść paśpiachovych machlarskich apieracyj u Biełarusi vyrasła na 27%. Siaredniaja ž suma strataŭ pavialičyłasia z $82 da $385.
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca10
Kamientary
dyk mo adzin z hetych machlaroŭ i jość nacbank? miarkujučy pa tym, jaki dom mahła dazvolić sabie byłaja staršynia nacbanka - https://nashaniva.com/393418
a tolki KAŽUĆ, ŠTO
----
Fiodor, "havaryć" - heta ---ŭ asnoŭnym---- kali NIE majecca na ŭvazie surazmoŭca, ci heta nie jość hałoŭnaje u skazanym. do U C ? )