КНДР прыбрала са сваёй канстытуцыі пункт аб аб'яднанні з Паўднёвай Карэяй
Паўночная Карэя ўнесла змяненні ў сваю канстытуцыю і прыбрала з яе ўсе згадкі пра аб’яднанне з Паўднёвай Карэяй. Таксама ўпершыню ў дакуменце былі пазначаныя тэрытарыяльныя межы краіны, але без дакладнага пазначэння марской мяжы з Поўднем, піша Бі-бі-сі.
У новай версіі канстытуцыі цяпер 168 артыкулаў. У ёй сказана, што КНДР мяжуе з Кітаем і Расіяй на поўначы і з Рэспублікай Карэяй на поўдні. Таксама падкрэсліваецца, што краіна ні пры якіх абставінах не дапусціць парушэння цэласнасці сваёй тэрыторыі.
Аднак дакумент не тлумачыць дакладна, дзе праходзіць мяжа з Паўднёвай Карэяй у моры. Сухапутная мяжа прызнаецца абодвума бакамі, але марская лінія даўно застаецца спрэчнай.
Яшчэ адна важная змена — знікненне нормы пра неабходнасць аб’яднання дзвюх Карэй. Раней у канстытуцыі было запісана, што краіна імкнецца да мірнага аб’яднання і нацыянальнага адзінства, але цяпер гэта прыбралі. Таксама зніклі згадкі пра дасягненні Кім Ір Сена і Кім Чэн Іра — былых кіраўнікоў краіны, адпаведна дзеда і бацькі цяперашняга лідара Кім Чэн Ына.
У дакуменце змяніўся і статус кіраўніка дзяржавы: Кім Чэн Ын цяпер афіцыйна называецца кіраўніком дзяржавы, а не «вярхоўным лідарам». Канстытуцыя таксама ўпершыню больш выразна ставіць яго вышэй за Вярхоўны народны сход. Акрамя таго, ён названы камандуючым ядзернымі сіламі.
КНДР таксама працягвае называць сябе «ядзернай дзяржавай». У дакуменце з’явілася згадка пра паўночнакарэйскіх вайскоўцаў, якія ўдзельнічалі ў замежных ваенных аперацыях. Эксперты лічаць, што гаворка ідзе пра ўдзел у вайне Расіі супраць Украіны.
Паводле меркавання аналітыкаў, гэтыя змены паказваюць, што Пхеньян усё больш адмаўляецца ад ідэі аб’яднання з Поўднем і хоча замацаваць статус асобнай дзяржавы. Адначасова гэта можа сведчыць пра жаданне выглядаць «нармальнай» дзяржавай і наладзіць больш прадказальныя адносіны з Сеулам.
У Пхеньяне адкрылі помнік салдатам КНДР, якія загінулі ў Курскай вобласці
КНДР выпрабавала электрамагнітную бомбу, якая здольная выклікаць блэкаўты
Кім Чэн Ын наведаў будаўніцтва музея, прысвечанага «вызваленню» Курскай вобласці
Беларусь адкрые ў КНДР пасольства і пачне дамаўляцца пра бязвіз
Кім Чэн Ын зладзіў раскошны прыём у гонар Лукашэнкі
Эйсмант: Мы заўсёды будзем рады бачыць Кім Чэн Ына ў Беларусі
Каментары
При объединении, первое, что произойдет, - демонтаж скотного двора.
Северокорейцы, их руководство, быстрее русскими себя объявят, чем объединяться в Одну Корею.