KNDR prybrała sa svajoj kanstytucyi punkt ab abjadnańni z Paŭdniovaj Karejaj
Paŭnočnaja Kareja ŭniesła źmianieńni ŭ svaju kanstytucyju i prybrała ź jaje ŭsie zhadki pra abjadnańnie z Paŭdniovaj Karejaj. Taksama ŭpieršyniu ŭ dakumiencie byli paznačanyja terytaryjalnyja miežy krainy, ale biez dakładnaha paznačeńnia marskoj miažy z Poŭdniem, piša Bi-bi-si.
U novaj viersii kanstytucyi ciapier 168 artykułaŭ. U joj skazana, što KNDR miažuje z Kitajem i Rasijaj na poŭnačy i z Respublikaj Karejaj na poŭdni. Taksama padkreślivajecca, što kraina ni pry jakich abstavinach nie dapuścić parušeńnia cełasnaści svajoj terytoryi.
Adnak dakumient nie tłumačyć dakładna, dzie prachodzić miaža z Paŭdniovaj Karejaj u mory. Suchaputnaja miaža pryznajecca abodvuma bakami, ale marskaja linija daŭno zastajecca sprečnaj.
Jašče adna važnaja źmiena — źniknieńnie normy pra nieabchodnaść abjadnańnia dźviuch Karej. Raniej u kanstytucyi było zapisana, što kraina imkniecca da mirnaha abjadnańnia i nacyjanalnaha adzinstva, ale ciapier heta prybrali. Taksama źnikli zhadki pra dasiahnieńni Kim Ir Siena i Kim Čen Ira — byłych kiraŭnikoŭ krainy, adpaviedna dzieda i baćki ciapierašniaha lidara Kim Čen Yna.
U dakumiencie źmianiŭsia i status kiraŭnika dziaržavy: Kim Čen Yn ciapier aficyjna nazyvajecca kiraŭnikom dziaržavy, a nie «viarchoŭnym lidaram». Kanstytucyja taksama ŭpieršyniu bolš vyrazna stavić jaho vyšej za Viarchoŭny narodny schod. Akramia taho, jon nazvany kamandujučym jadziernymi siłami.
KNDR taksama praciahvaje nazyvać siabie «jadziernaj dziaržavaj». U dakumiencie źjaviłasia zhadka pra paŭnočnakarejskich vajskoŭcaŭ, jakija ŭdzielničali ŭ zamiežnych vajennych apieracyjach. Ekśpierty ličać, što havorka idzie pra ŭdzieł u vajnie Rasii suprać Ukrainy.
Pavodle mierkavańnia analitykaŭ, hetyja źmieny pakazvajuć, što Pchieńjan usio bolš admaŭlajecca ad idei abjadnańnia z Poŭdniem i choča zamacavać status asobnaj dziaržavy. Adnačasova heta moža śviedčyć pra žadańnie vyhladać «narmalnaj» dziaržavaj i naładzić bolš pradkazalnyja adnosiny ź Sieułam.
U Pchieńjanie adkryli pomnik sałdatam KNDR, jakija zahinuli ŭ Kurskaj vobłaści
KNDR vyprabavała elektramahnitnuju bombu, jakaja zdolnaja vyklikać błekaŭty
Kim Čen Yn naviedaŭ budaŭnictva muzieja, pryśviečanaha «vyzvaleńniu» Kurskaj vobłaści
Biełaruś adkryje ŭ KNDR pasolstva i pačnie damaŭlacca pra biaźviz
Kim Čen Yn zładziŭ raskošny pryjom u honar Łukašenki
Ejsmant: My zaŭsiody budziem rady bačyć Kim Čen Yna ŭ Biełarusi
Kamientary
Pri objedinienii, piervoje, čto proizojdiet, - diemontaž skotnoho dvora.
Sievierokoriejcy, ich rukovodstvo, bystrieje russkimi siebia objaviat, čiem objediniaťsia v Odnu Korieju.